తెలుగమ్మాయిగా కెరీర్ ను నిర్మించుకున్న కలర్స్ స్వాతి పెళ్లి చేసుకుని కెరీర్ కు బ్రేక్ ఇచ్చిన విషయం తెల్సిందే. మళ్ళీ మూడేళ్ళ తర్వాత తిరిగి సినిమా షూటింగ్స్ లో పాల్గొంటోంది. కలర్స్ స్వాతి నటిస్తోన్న తాజా చిత్రం పంచతంత్రం. ఈ సినిమా షూటింగ్ లాక్ డౌన్ కారణంగా ఆగిపోగా మళ్ళీ ఈరోజు నుండి తిరిగి మొదలైంది.
ఈ చిత్రాన్ని కొత్త దర్శకుడు హర్ష డైరెక్ట్ చేస్తున్నాడు. పంచతంత్రం షూటింగ్ ప్రస్తుతం చివరి దశకు చేరుకుంది. మరో 10 రోజుల్లో షూటింగ్ మొత్తం పూర్తవుతుందని అంచనా. ఈ చిత్రంలో ఇంకా శివాత్మిక రాజశేఖర్, బ్రహ్మానందం, సముద్రఖని, రాహుల్ విజయ్, నరేష్ అగస్త్య నటిస్తున్నారు.
- Advertisement -
పూర్తిగా డిఫరెంట్ కాన్సెప్ట్ తో తెరకెక్కుతోన్న ఈ చిత్రాన్ని అఖిలేష్ వర్ధన్, సృజన్ యర్రబోలు నిర్మిస్తున్నారు. పంచతంత్రం చిత్రానికి సంబంధించిన మరిన్ని వివరాలు త్వరలోనే తెలుస్తాయి.
- Advertisement -