యంగ్ హీరో నితిన్ ఇటీవల వివాహం చేసుకున్న విషయం తెలిసిందే. రెట్టించిన ఉత్సాహంతో వున్న ఆయన వరుసగా తను నటిస్తున్న చిత్రాల్ని సెట్స్పైకి తీసుకొస్తున్నారు. ఇటీవలే తను నటిస్తున్న `రంగ్ దే` చిత్ర షూటింగ్ని ప్రారంభించి టాకీ పార్ట్ని పూర్తి చేశారు. వెంకీ అట్లూరి దర్శకత్వం వహిస్తున్న ఈ చిత్రంలో కీర్తి సురేష్ హీరోయిన్గా నటిస్తోంది.
త్వరలో ఈ మూవీకి సంబంధించిన సాంగ్స్ కోసం చిత్ర బృందం ఇటలీ వెళ్లబోతోంది. ఆలోగా నితిన్ మరో చిత్రాన్ని పట్టాలెక్కించారు. ఆయన నటిస్తున్న తదుపరి చిత్రం `చెక్`. విభిన్న చిత్రాల దర్శకుడు చంద్రశేఖర్ ఏలేటి ఈ చిత్రానికి దర్శకత్వం వహిస్తున్నారు. భవ్య క్రియేషన్స్ బ్యానర్పై వి. ఆనందప్రసాద్ నిర్మిస్తున్నారు.
రకుల్ ప్రీత్ సింగ్, వింక్ గాళ్ ప్రియా ప్రకాష్ వారియర్ హీరోయిన్ లుగా నటిస్తున్నారు. ఓ ఖైదీ కథగా ఈ చిత్రాన్ని కొత్త పంథాలో తెరకెక్కిస్తున్నారు. రకుల్ లాయర్గా, ప్రియా ప్రకాష్ వారియర్ లవర్గా ఈ ఇచత్రంలో కనిపించబోతున్నారు. ఈ మూవీ రెగ్యులర్ షూటింగ్ ఈ శుక్రవారం హైదరాబాద్లో మొదలైంది. ఈ సందర్భంగా నితిన్ సోషల్ మీడియా వేదికగా ఈ విషయాన్ని వెల్లడిస్తూ ఓ పోస్టర్ని పంచుకున్నారు. `లాక్ డౌన్ టు లాకప్` అంటూ రాసివున్న ఈమూవీ పోస్టర్ ఆకట్టుకుంటోంది.