మాల్దీవులు సెలబ్రిటీల వెకేషన్లకి కేరాఫ్ అడ్రస్గా మారాయి. లాక్డౌన్లో సడలింపులు మొదలైన దగ్గరి నుంచి మాల్దీవుల్లో విహరిస్తూ హంగామా చేసే స్టార్ సెలబ్రిటీల జాబితా పెరిగిపోతూనే వుంది. బాలీవుడ్, హాలీవుడ్ టాలీవుడ్, కోలీవుడ్ స్టార్స్ అక్కడి దీవుల్లో వెకేషన్ని ఎంజాయ్ చేస్తూ ఆ ఫొటోలని సోషల్ మీడియా వేదికగా అభిమానులతో పంచుకుంటున్నారు.
ఈ జాబితాలో మెగా ఫ్యామిలీ జంట నిహారిక, చైతన్య చేరారు. మెగా డాటర్ నిహారిక కొణిదెల వివాహం ఈ నెల 9న గుంటూరు ఐజీ జొన్నలగడ్డ ప్రభాకరరావు తనయుడు జొన్నలగడ్డ చైతన్యతో అంగరంగ వైభవంగా జరిగిన విషయం తెలిసిందే. రాజస్థాన్లో ఉదయ్పూర్లోని ఉదయ్ విలాస్లో నిహారిక, చైతన్యల వివాహం డెస్టినేషన్ వెడ్డింగ్ తరహాలో జరిగింది.
ఈ వెడ్డింగ్లో మెగా ఫ్యామిలీ మెంబర్స్ , స్టార్ హీరోలంతా పాల్గొని సందడి చేశారు. పెళ్లి తరువాత కొత్త జంట నిహారిక, జొన్నలగడ్డ చైతన్య హనీమూన్ కోసం మాల్దీవులకు వెళ్లారు. నూతన వధూవరులు మాల్దీవెవుల్లో విహరిస్తూ ఎంజాయ్ చేస్తున్నారు. ఆ ఫొటోలని సోషల్ మీడియా ద్వారా అభిమానులతో పంచుకుంటూ ఆనందిస్తున్నారు. ప్రస్తుతం నిశ్చయ్ల జోడీకి సంబంధించిన ఫొటోలు సోషల్ మీడియాలో సందడి చేస్తున్నాయి.
View this post on Instagram