ఐకా ఫిల్మ్ ఫ్యాక్ట‌రీ బ్యాన‌ర్‌పై అసిఫ్ ఖాన్ , మౌర్యాని హీరో హీరోయిన్‌లుగా న‌టిస్తున్న చిత్రం `నేడే విడుద‌ల`. వైవిధ్య‌మైన క‌థ, క‌థ‌నాల‌తో రూపొందుతున్న ఈ మూవీ ద్వారా రామ్‌రెడ్డి ప‌న్నాల ద‌ర్శ‌కుడిగా ప‌రిచ‌యం అవుతున్నారు. న‌జురుల్లా ఖాన్, మ‌స్తాన్ ఖాన్ సంయుక్తంగా నిర్మిస్తున్నారు. ఫ్యామిలీ ఎంట‌ర్‌టైన‌ర్‌గా తెర‌కెక్కుతున్న ఈ మూవీ ప్రీలుక్ టైటిల్ పోస్ట‌ర్‌ని చిత్ర బృందం గురువారం విడుద‌ల చేసింది.
ఈ చిత్ర ప్ర‌మోష‌న్‌లో భాగంగా మేక‌ర్స్ ఓ వీడియోని విడుద‌ల చేశారు. ఆ వీడియో సినిమాపై ఆస‌క్తిని రేకెత్తిస్తోంది. ఈ వీడియోతో మూవీ ప్ర‌చారానికి శ్రీ‌కారం చుట్టారు.ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుగుతున్నాయి. అతి త్వ‌ర‌లో సినిమా ఫ‌స్ట్ లుక్ తో పాటు ఫ‌స్ట్ సింగిల్‌ని విడుద‌ల చేస్తామ‌ని ద‌ర్శ‌క‌నిర్మాత‌లు వెల్ల‌డించారు.
ఆద్యంతం ఆస‌క్తిక‌ర‌మైన క‌థా, క‌థ‌నాల‌తో ఆలోచింప‌జేసే క‌థ‌నంతో ఆక‌ట్టుకునే సంభాష‌ణ‌ల‌తో త్వ‌ర‌లో ఈ మూవీని ప్రేక్ష‌కుల ముందుకు తీసుకురావాల‌ని చిత్ర బృందం స‌న్నాహాలు చేస్తోంది. ఈ చిత్రంలో కాశీవిశ్వ‌నాథ్‌, అప్పాజీ అంబ‌రీష్‌, మాధ‌వి, టి.ఎన్‌.ఆర్, అదుర్స్ ఆనంద్‌, పీలా గంగాధ‌ర్‌, జ‌బ‌ర్ద‌స్త్ న‌వీన్‌,
అశోక్ వ‌ర్ధ‌న్‌, ర‌స‌జ్ఞ న‌టిస్తున్నారు. ఈ చిత్రానికి సంగీతం అజ‌య్ అర‌సాడ, పాట‌లు: శ్రీ‌మ‌ణి, కెమెరా: సి.హెచ్. మోహ‌న్‌చారి, ఎడిటింగ్‌: సాయిబాబు త‌లారి, ఫైట్స్: అంజి, ఆర్ట్‌: సి.హెచ్. ర‌వికుమార్‌, విఎఫ్ ఎక్స్ ఆర్ అంకోజీరావు, నిర్మాత‌లు : న‌జురుల్లా ఖాన్, మ‌స్తాన్ ఖాన్, ర‌చ‌న, ద‌ర్శ‌క‌త్వం: రామ్‌రెడ్డి ప‌న్నాల.
