న్యాచురల్ స్టార్ నాని తన కెరీర్ లో ఎక్కువ బ్రేక్ లేకుండా వరసగా సినిమాలను చేస్తూ వస్తున్నాడు. గతేడాది వి విడుదలైన తర్వాత నాని నటిస్తోన్న చిత్రం టక్ జగదీష్. ఈ సినిమా షూటింగ్ పూర్తై, పోస్ట్ ప్రొడక్షన్ పనుల్లో బిజీగా ఉంది. అలాగే ఈ చిత్రాన్ని ఏప్రిల్ 23న విడుదల చేయబోతున్నారు.
ఇక నాని పుట్టినరోజు సందర్భంగా టక్ జగదీష్ టీజర్ ను ఈ నెల 23న సాయంత్రం 5 గంటల 4 నిమిషాలకు విడుదల చేయబోతున్నారు. 24న నాని పుట్టినరోజు జరుపుకుంటోన్న విషయం తెల్సిందే.
శివ నిర్వాణ ఈ సినిమాకు దర్శకుడు కాగా షైన్ స్క్రీన్ సినిమాస్ ఈ చిత్రాన్ని నిర్మిస్తోంది. రీతూ వర్మ, ఐశ్వర్య రాజేష్ ఈ సినిమాలో హీరోయిన్లుగా నటిస్తున్నారు. ఇప్పటికే ఈ చిత్ర ప్రమోషన్స్ షురూ అయ్యాయి. ఇంకోసారి పాటకు సూపర్బ్ రెస్పాన్స్ వస్తోంది. ఎస్ ఎస్ థమన్ ఈ చిత్రానికి సంగీత దర్శకుడు అన్న విషయం తెల్సిందే.