నాచుర‌ల్ స్టార్ నాని స్పీడు పెంచారు. ఒకేసారి వ‌రుస‌గా మూడు చిత్రాల్ని ప‌ట్టాలెక్కించారు. ట‌క్ జ‌గ‌దీష్‌, శ్యామ్ సింఘరాయ్, `అంటే.. సుంద‌రానికి..` ఈ మూడు చిత్రాలు దేనిక‌దే భిన్న‌మైన క‌థా, క‌థ‌నాల‌తో సాగేవే. ఈ మూడు చిత్రాల్లో మ‌రీ ముఖ్యంగా చెప్పుకోవాల్సిన చిత్రం `శ్యామ్ సింఘరాయ్`. ఈ చిత్రాన్ని `ట్యాక్సీవాలా` ఫేమ్ రాహుల్ సంక్రీత్య‌న్ తెర‌కెక్కిస్తున్నారు.
వెంక‌ట్ బోయిన్‌ప‌ల్లి అత్యంత భారీ స్థాయిలో ఈ చిత్రాన్ని నిర్మిస్తున్నారు. సాయి ప‌ల్ల‌వి, `ఉప్పెన` ఫేమ్ కృతిక శెట్టి హీరోయిన్‌లుగా న‌టిస్తున్నారు. ఈ మూవీలో హీరో నాని కంప్లీట్‌గా స‌రికొత్త మేకోవ‌ర్‌తో క‌నిపించ‌బోతున్నాడు. కోల్‌క‌తా నేప‌థ్యంలో ఈ మూవీ సాగ‌నుంది. ఇందు కోసం చిత్ర బృందం, ఇద్ద‌రు హీరోయిన్‌ల‌తో క‌లిసి హీరో నాని శుక్ర‌వారం కోల్‌క‌తా వెళుతున్నారు.
అక్క‌డే కీల‌క ఘ‌ట్టాల‌ని చిత్రీకరించ‌బోతున్నార‌ట. `ప్రేమ‌మ్‌` ఫేమ్ మడోన్నా సెబాస్టియ‌న్ కూడా ఇందులో ఓ కీల‌క పాత్ర‌లో న‌టిస్తోంది. మిక్కీ జే మేయ‌ర్ సంగీతం అందిస్తున్న ఈ మూవీలో నాని 70 ఏళ్ల ముస‌లి వ్య‌క్తిగా క‌నిపించ‌నున్నాడ‌ట. ఇందు కోసం ప్ర‌త్యేకంగా మేక‌ప్‌ని ప్లాన్ చేసిన‌ట్టు తెలిసింది. కొంత ప్ర‌జెంట్‌.. కొంత పిరియాడ్ నేప‌థ్యంలో ఈ సినిమా సాగ‌నుంద‌ని తెలిసింది.