న్యాచురల్ స్టార్ నాని హీరోగానే కాక నిర్మాతగానూ బిజీ అవుతున్నాడు. ఇప్పటికే తన వాల్ పోస్టర్ సినిమా బ్యానర్ పై అ!, హిట్ చిత్రాలను నిర్మించాడు నాని. హిట్ 2 ను మూడో సినిమాగా అనౌన్స్ చేసాడు. ఇప్పుడు తన బ్యానర్ లో నాల్గవ చిత్రం లాంచ్ అయింది. ఈ చిత్రానికి మీట్ క్యూట్ అనే ఆసక్తికర టైటిల్ ను కన్ఫర్మ్ చేసారు.
ఈ చిత్రాన్ని నాని సోదరి దీప్తి ఘంటా డైరెక్ట్ చేస్తుండడం విశేషం. ఆమెకిదే తొలి చిత్రం. ఈ సినిమా ఒక ఆసక్తికర అంశం చుట్టూ తిరుగుతోందని తెలుస్తోంది. ఐదుగురు హీరోయిన్లు ఈ చిత్రంలో భాగం కానున్నారని సమాచారం. వారి వివరాలు త్వరలోనే తెలియజేస్తామని నిర్మాతలు కన్ఫర్మ్ చేసారు. సత్యరాజ్ కీలక పాత్రలో కనిపిస్తాడు.
ఈ చిత్రానికి సంబంధించిన మరిన్ని వివరాలు త్వరలో తెలుస్తాయి. ఇక నాని హీరోగా టక్ జగదీష్ సినిమా విడుదలకు రెడీగా ఉంది. శ్యామ్ సింగ రాయ్, అంటే సుందరానికి చిత్రాల్లో నటిస్తున్నాడు.