![ఇద్దరు స్నేహితులతో సురేష్బాబు మల్టీస్టారర్? ఇద్దరు స్నేహితులతో సురేష్బాబు మల్టీస్టారర్?](https://telugu.tollywood.net/wp-content/uploads/2020/09/Nani-Rana-daggubati-multi-starrer.jpg)
టాలీవుడ్ ఇండస్ట్రీలో హీరోల మధ్య మంచి స్నేహ బంధం నెలకొని వుంది. మన టాలీవుడ్ హీరోల్లో చాలా మంది మంచి మిత్రులు కూడా వున్నారు. అలాంటి మిత్రుల్లో నేచురల్ స్టార్ నాని, రానా దగ్గుబాటి జోడీ ఒకటి. ఆ మధ్య ఇఫా అవార్డుల వేడుకలో వీరిద్దరి మధ్య జరిగిన సంభాషణకు నాగార్జునతో సహా అవార్డుల వేడుకలో పాల్గొన్న సెలబ్రిటీలంతా బిత్తరపోయారు.
రానా అసలు హీరో ఎలా అయ్యాడని నాని చేసిన సంచలన వ్యాఖ్యలు టాలీవుడ్లో పెను దుమారాన్ని సృష్టించాయి. ఆ తరువాత రానా కూడా నాని పై అదే స్థాయి సంచలనం సృష్టించారు. ఇదంతా అవార్డుల వేడుకపై అటెన్షన్ని క్రియేట్ చేయడం కోసమేని తేలడంతో అంతా ఊపిరి పీల్చుకున్నారు. అలాంటి ఈ హీరోలు కలిసి ఓ మల్టీ స్టారర్ సినిమా చేస్తే ఎలా వుంటుంది? ఇదే ఆలోచన బడా ప్రొడ్యూసర్ డి. సురేష్బాబుకు వచ్చిందట.
ఇంకే ముందు ఐడియా చెప్పేసి ఓ ప్రముఖ రైటర్తో కథని సిద్ధం చేయిస్తున్నారట. ఇది ఎప్పుడు మొదలవుతుంది? దీన్ని డీల్ చేసే దర్శకుడు ఎవరు అన్నది మాత్రం ఇంకా స్పష్టం కాలేదు. త్వరలోనే ఈ ప్రాజెక్ట్కి సంబందించిన పూర్తి వివరాల్ని డి. సురేష్ బాబు వెల్లడించనున్నారట. ప్రస్తుతం నాని, రానా వరుస క్రేజీ ప్రాజెక్ట్లతో బిజీగా వున్న విషయం తెలిసిందే.