విశ్వవిఖ్యాత నటసార్వభౌమ నందమూరి తారకరామారావు గెటప్ లో నందమూరి బాలకృష్ణ ఎలా ఉంటాడో పూర్తిగా తెలీదు దాంతో కొద్దిగా అనుమానం ఉండేది కానీ తాజాగా బాలయ్య లుక్ ఎన్టీఆర్ బయోపిక్ లో ఎలా ఉంటుందో తెలియజేస్తూ రిలీజ్ చేసారు . ఆ లుక్ లో బాలయ్య ఎన్టీఆర్ ని తలపించాడు దాంతో ఆ గెటప్ సోషల్ మీడియాలో వైరల్ అవుతోంది . రేపు స్వాతంత్య్ర దినోత్సవం సందర్భాన్ని పురస్కరించుకొని బాలయ్య గెటప్ విడుదల చేసారు . ఎన్టీఆర్ కాషాయ వస్త్రాలతో అప్పట్లో ఎలా ఉండేవాడో అచ్చం అలాగే ఉన్నాడు బాలయ్య .
క్రిష్ దర్శకత్వంలో తెరకెక్కుతున్న ఎన్టీఆర్ బయోపిక్ పై రోజురోజుకి అంచనాలు పెరుగుతున్నాయి . బాలయ్య తో పాటుగా మోహన్ బాబు , విద్యా బాలన్ , రానా , రకుల్ ప్రీత్ సింగ్ , మంజిమా మోహన్ , నరేష్ తదితరులు నటిస్తున్న ఈ చిత్రాన్ని వచ్చే ఏడాది జనవరి 9న విడుదల చేయడానికి సన్నాహాలు చేస్తున్నారు . మొత్తానికి బాలయ్య గెటప్ కు విశేష స్పందన వస్తోంది దాంతో బాలయ్య తో పాటుగా ఆ చిత్ర బృందం చాలా సంతోషంగా ఉంది .
English Title: nandamuri balakrishna getup from ntr biopic