ఓ పక్క సమంతతో డైవర్స్ కు రెడీ అయిన నాగ చైతన్య తన ఫోకస్ మొత్తం సినిమాల మీద పెట్టాలని చూస్తున్నాడు. అందుకే ఏమాత్రం ఖాళీ లేకుండా కమిట్ అయిన సినిమాలను చేస్తున్నాడు. ఈ క్రమంలో నాగార్జునతో కలిసి చేస్తున్న బంగార్రాజు సినిమా షూటింగ్ లో పాల్గొంటున్నాడు నాగ చైతన్య. సినిమాలో చైతుకి జోడీగా ఉప్పెన భామ కృతి శెట్టి నటిస్తుంది.
కళ్యాణ్ కృష్ణ డైరెక్ట్ చేస్తున్న బంగార్రాజు సినిమాలో చైతు, కృతి శెట్టిల మధ్య లవ్ ట్రాక్ బాగా వస్తుందని చెబుతున్నారు. మైసూర్ లో వీరికి సంబందించిన లవ్ ట్రాక్ షూటింగ్ జరుగుతుందని తెలుస్తుంది. సినిమాలో ఈ ఎపిసోడ్ యూత్ ఆడియెన్స్ ను మెప్పిస్తుందని అంటున్నారు. వరుస విజయాలతో దూసుకెళ్తున్న నాగ చైతన్య ఈ సినిమాతో కూడా హిట్ కొట్టాలని చూస్తున్నాడు.
బంగార్రాజు కంటే ముందు విక్రం కె కుమార్ డైరక్షన్ లో నాగ చైతన్య హీరోగా థ్యాంక్ యు సినిమా వస్తుంది. థ్రిల్లర్ జానర్ లో వస్తున్న ఈ సినిమాను దిల్ రాజు నిర్మిస్తున్నారు. తప్పకుండా ఈ సినిమాలతో చైతు తన హిట్ మేనియా కొనసాగించేలా ఉన్నాడు.