సూపర్ స్టార్ మహేష్ బాబు కెరీర్ లో అనుకోకుండా మరోసారి బ్రేక్ వచ్చింది. సరిలేరు నీకెవ్వరు తర్వాత అనుకోకుండా కోవిడ్ కారణంగా మరో సినిమా విడుదల కాలేదు. ప్రస్తుతం మహేష్ బాబు సర్కారు వారి పాట చిత్రంలో నటిస్తున్నాడు. ఈ సినిమాను పరశురామ్ డైరెక్ట్ చేస్తుండగా కీర్తి సురేష్ హీరోయిన్ గా చేస్తోంది. ఎస్ ఎస్ థమన్ సంగీతం అందిస్తున్నాడు.
సర్కారు వారి పాట తర్వాత మహేష్ బాబు త్రివిక్రమ్ శ్రీనివాస్ దర్శకత్వంలో నటించనున్న విషయం తెల్సిందే. ఈ సినిమా షూటింగ్ త్వరలోనే మొదలుకానుంది. నిన్న మహేష్ తన పుట్టినరోజు సందర్భంగా ఒక ఆంగ్ల మీడియాకు ఇచ్చిన ఇంటర్వ్యూలో తన సినిమాల లైనప్ పై స్పందించాడు.
ముందు సర్కారు వారి పాట, ఆ తర్వాత త్రివిక్రమ్ చిత్రం దాని తర్వాత ఎస్ ఎస్ రాజమౌళి దర్శకత్వంలో సినిమా ఉంటుందని మహేష్ చెప్పాడు. రాజమౌళితో పనిచేయడం కోసం ఎదురుచూస్తున్నట్లు రివీల్ చేసాడు. అయితే ఈ సినిమాను బాహుబలితో కంపేర్ చేయాల్సిన అవసరం లేదని, ఈ ప్రాజెక్ట్ ప్రత్యేకత వేరని, కాకపోతే దీని గురించి మాట్లాడడం చాలా ఎర్లీ అవుతుందని తెలిపాడు మహేష్.