శ్రీలంక క్రికెటర్, స్పిన్ మాంత్రికుడు ముత్తయ్య మురళీధరన్ బయోపిక్ చేయబోతున్నట్టు ఇటీవల వార్తలు వచ్చిన విషయం తెలిసిందే. క్రికెట్ లెజెండ్ జీవిత కథ ఆధారంగా తెరపైకి రానున్న ఈ చిత్రంలో తమిళ హీరో మక్కల్ సెల్వన్ విజయ్ సేతుపతి కనిపించబోతున్నారు. ఈ చిత్రానికి `800` అనే టైటిల్ని ఖరారు చేశారు. టైటిల్ పోస్టర్ని విజయ్ సేతుపతి మంగళవారం రిలీజ్ చేశారు.
మురళీధరన్ 800 టెస్ట్ వికెట్లు సాధించారు. ఈ ఘనత సాధించిన మొదటి క్రికెటర్ గా ప్రపంచ క్రికెట్ చరిత్రలో సరికొత్త రికార్డుని నెలకొల్పారు. ఈ చిత్రానికి సంబంధించిన మోషన్ పోస్టర్ని సాయంత్రం 6 గంటలకు బయటికి వస్తుంది. మురళి జీవితం మరియు క్రికెట్ వృత్తిని ప్రదర్శించే ఈ బయోపిక్ను ఎంఎస్ శ్రీపతి దర్శకత్వం వహించబోతున్నారు.
ఓ సాధారణమైన స్పిన్నర్ స్థాయి నుండి గొప్ప బౌలర్లలో ఒకరిగా ఎదిగే క్రమంలో మురళి తన కెరీర్ మొత్తంలో చాలా హెచ్చు తగ్గులు చూశాడు. ఈ బయోపిక్లో ఆ అంశాలన్నింటిని చూపించబోతున్నారట. శ్రీలంక జట్టుకు ప్రాతినిధ్యం వహించి జట్టు విజయాల్లో కీలక భూమికని పోషించిన బౌలర్ గా ప్రపంచ వ్యాప్తంగా ప్రాచుర్యం పొందినందున ఈ చిత్రం బహు భాషలలో కూడా డబ్ చేయబోతున్నారు. మూవీ ట్రైన్ మోషన్ పిక్చర్స్ మరియు వివేక్ రంగచారి ఈ చిత్రాన్ని నిర్మిస్తున్నారు.