సూపర్ స్టార్ మహేష్ బాబు నటిస్తోన్న తాజా చిత్రం సరిలేరు నీకెవ్వరు. ఈ సినిమా సంక్రాంతి సందర్భంగా జనవరి 11న విడుదల కానున్న విషయం తెల్సిందే. భరత్ అనే నేను, మహర్షి హిట్స్ తర్వాత మహేష్, వరసగా నాలుగు హిట్లు ఇచ్చిన జోష్ లో ఉన్న అనిల్ రావిపూడి కలిసి చేసిన చిత్రం కావడంతో సరిలేరు నీకెవ్వరు చిత్రంపై అంచనాలు భారీగా ఉన్నాయి. ఇప్పటికే విడుదలైన టీజర్, పాటలు సినిమాపై ఇంప్రెషన్ ను మరింతగా పెంచడంలో సక్సెస్ అయ్యాయి. సరిలేరు నీకెవ్వరు సినిమా షూటింగ్ ఇప్పటికే పూర్తయింది. నిన్నటితో షూటింగ్ పూర్తయినట్లు చిత్ర వర్గాలు అఫీషియల్ గా ధృవీకరించాయి. ఇక ఈ చిత్రం గురించిన ఒక తాజా అప్డేట్ అందరి నోరెళ్ళబెట్టేలా చేస్తోంది.
సరిలేరు నీకెవ్వరు చిత్రంలో మైండ్ బ్లాక్ అనే మాస్ బీట్ సాంగ్ ఉన్న విషయం తెల్సిందే. ఈ పాటలో మహేష్, తమన్నా కలిసి డ్యాన్స్ చేసినట్లు తెలుస్తోంది. ఈ పాటలోనే మహేష్ లుంగీ కట్టి మరీ డ్యాన్స్ చేసాడని అంటున్నారు. దీనికి సంబంధించిన ఫోటోలు కూడా లీకయ్యాయి. ఇక ఈ పాట కోసం భారీ సెట్స్ వేసినట్లు తెలుస్తోంది. దాదాపు 5 కోట్లు విలువ చేసే సెట్ వేసి మరీ ఈ మాస్ సాంగ్ ను చిత్రీకరించారట. ఎక్కువ సంఖ్యలో డ్యాన్సర్లు, ప్రాపర్టీస్ కూడా ఉన్న కారణంగా మొత్తం పాట షూట్ చేయడానికి దాదాపు 9 కోట్లు దాకా నిర్మాతకు వదిలిందిట. అయితే మహేష్ కెరీర్ లోనే ఈ సాంగ్ ప్రత్యేకంగా నిలిచిపోతుందని అంటున్నారు. అన్నపూర్ణ 7 ఎకరాలలో ఈ పాట షూటింగ్ జరిగింది.
ఈ పాట అనే కాదు. ఈ సినిమాలో వివిధ సెట్లకు చాలా ఖర్చు అయినట్లు తెలుస్తోంది. కర్నూల్ కొండారెడ్డి బురుజు సెంటర్ ను సెట్ వేసి అక్కడ కీలక సన్నివేశాలను చిత్రీకరించారు. అలాగే విజయశాంతి పాత్ర తాలూకా ఇంటి సెట్ కోసం దాదాపు 2 కోట్లపైనే ఖర్చు పెట్టినట్లు సమాచారం. ఇప్పుడేమో ఈ సాంగ్. ఇలా సరిలేరు నీకెవ్వరు బడ్జెట్ దాదాపు 100 కోట్లు దాటిందని చెబుతున్నారు.
మహేష్ బాబు కెరీర్ లోనే అత్యంత ప్రతిష్టాత్మకంగా ఈ సినిమా తెరకెక్కుతోందని సమాచారం. ఈ చిత్రంలో రష్మిక హీరోయిన్ గా నటిస్తోంది. దేవి శ్రీ ప్రసాద్ సంగీత దర్శకుడు.
