చిరు సినిమాను సైన్ చేసిన మహేష్ హీరోయిన్

సూపర్ స్టార్ మహేష్ బాబు నటిస్తోన్న లేటెస్ట్ సినిమా సర్కారు వారి పాట చిత్రంలో కీర్తి సురేష్ హీరోయిన్ గా నటిస్తోన్న విషయం తెల్సిందే. ఈ చిత్రం కాకుండా కీర్తి తెలుగులో నటించే చిత్రం ఏది? దీనికి ఇప్పుడు సమాధానం దొరికింది. కీర్తి సురేష్ చిరంజీవి సినిమాను సైన్ చేసింది.

మెగాస్టార్ చిరంజీవి మెహర్ రమేష్ దర్శకత్వంలో ఒక సినిమా చేస్తోన్న విషయం తెల్సిందే. ఈ చిత్రంలో చిరు చెల్లెలి పాత్రలో కీర్తి కనిపించనుంది. ముందుగా ఈ పాత్ర కోసం సాయి పల్లవిని అనుకున్నారు కానీ చివరికి కీర్తి ఫైనల్ అయింది. ఈ పాత్ర కోసం కీర్తి భారీ రెమ్యునరేషన్ ను తీసుకుంటోందని సమాచారం. అక్టోబర్ లేదా నవంబర్ లో ఈ చిత్ర రెగ్యులర్ షూటింగ్ ప్రారంభమవుతోంది.

ఒకేసారి రెండు సినిమాల షూటింగ్స్ ను మొదలుపెట్టనున్నాడు చిరంజీవి. దీంతో పాటు కీర్తి సురేష్ మరో భారీ తెలుగు సినిమాను కూడా సైన్ చేయనుంది.