అందాల చందమామ కాజల్ అగర్వాల్ గత కొంత కాలంగా ప్రేమలో వున్న గౌతమ్ కిచ్లూని వివాహం చేసుకోబోతున్న విషయం తెలిసిందే. ఇటీవలే ఈ విషయాన్ని సోషల్ మీడియా వేదికగా వెల్లడించి షాకింగ్ సర్ప్రైజ్ ఇచ్చింది. గత కొంత కాలంగా ప్రేమలో వున్న ఈ జంట ఈ నెల 30న పెళ్లి బంధంతో ఒక్కటి కాబోతున్నారు. ముంబైలో అత్యంత సన్నిహితులు మాత్రమే ఈ వివాహ వేడుకలో పాల్గొననున్నారు.
ఇదిలా వుంటే పెళ్లి ఏర్పాట్లతో పాటు పెళ్లి తరువాత వుండబోయే ఇంటికి సంబంధించిన ఏర్పాట్లు కూడా జరిగిపోతున్నాయి. కాజల్ని వివాహం చేసుకుంటున్న గౌతమ్ కిచ్లూ ఓ బిజినెస్మెన్. అంతే కాకుండా ఇంటీరియర్ బిజినెస్కు సంబంధించిన కంపనీని రన్ చేస్తున్నారు. ఇప్పటికే సొంత ఇంటిని కొనేసుకున్న కాజల్ అండ్ గౌతమ్ ఆ ఇంటిలోని ఇంటీరియర్ డిజైన్ని తమకు నచ్చినట్టుగా డిజైన్ ఏసుకుంటున్నారు.
ఇదే విషయాన్ని సోషల్ మీడియా ఇన్ స్టాగ్రామ్ ద్వారా వెల్లడించింది కాజల్. కొత్త ఇంట్లో జరుగుతున్న వర్క్కి సంబంధించిన ఓ ఫొటోని షేర్ చేసిన కాజల్ కొత్త ఇంటిలో వర్క్ జరుగుఓంది. ఏమైనా సలహాలు సూచనలు ఇస్తారా? అని అభిమానులని అడిగింది. కాజల్ ప్రస్తుతం కమల్తో `ఇండియన్ 2`, చిరుతో `ఆచార్య`, మంచు విష్ణుతో `మోసగాళ్లు` చిత్రాల్లో నటిస్తోంది.