గోవా బ్యూటీ ఇలియానా టాలీవుడ్‌లో స్టార్ స్టేట‌స్‌ని అనుభ‌వించిన విష‌యం తెలిసిందే. తెలుగులో టాప్ స్టార్‌ల‌తో క‌లిసి స్క్రీన్ షేర్ చేసుకున్న ఇలియానా తెలుగులో అత్య‌ధిక పారితోషికం అందుకుంది హీరోయిన్‌గానూ రికార్డు సాధించింది. యంగ్ టైగ‌ర్ ఎన్టీఆర్ న‌టించిన `శ‌క్తి` చిత్రం త‌రువాత `బ‌ర్ఫీ` సినిమాతో బాలీవుడ్ బాట ప‌ట్టిన ఇలియానా అక్క‌డ సెలెక్టీవ్‌గానే సినిమాలు చేస్తోంది.
ఆస్ట్రేలియ‌న్ ఫొటోగ్రాఫ‌ర్ ఆండ్రూ నిబోన్‌తో డేటింగ్ చేసి వార్త‌ల్లో నిలిచిన ఇలియానా ఆ త‌రువాత కొంత కాలానికే అత‌నికి బ్రేక‌ప్ చెప్పేసి విడిపోయింది. ఆ త‌రువాత నుంచి సినిమాల‌పై దృష్టిపెట్టిన ఇలియానా ఓ బాలీవుడ్ హీరోతో స‌న్నిహితంగా వుంటోంద‌ని ప్ర‌చారం జ‌రుగుతోంది. ఈ పుకార్ల‌ని ఇలియానా కండించ‌డం లేదు. ఇదిలా వుంటే ఇన్ స్టా వేదిక‌గా ఇలియానా ఓ అభిమాని అడిగిన ప్ర‌శ్న‌కు అస‌హ‌నం వ్య‌క్తం చేసింది.
ఇన్ స్టా వేదిక‌గా ఓ అభిమాని ప్ర‌స్తుతం మీరు సింగిల్‌గా వున్నారా? లేక మ‌రొక‌రి కోసం ఏమైనా వెతుకుతున్నారా? అని ప్ర‌శ్నిస్తే అత‌నిపై ఆగ్ర‌హాన్ని వ్య‌క్తం చేసింది. మరోసారి అలాంటి ప్ర‌శ్న త‌న‌ని వేయొద్ద‌ని వార్నింగ్ ఇచ్చినంత ప‌ని చేసింది.