మాస్ మ‌హ‌రాజా ర‌వితేజ న‌టిస్తున్న‌తాజా చిత్రం `డిస్కోరాజా`. వి.ఐ. ఆనంద్ తెర‌కెక్కిస్తున్నారు. పాయ‌ల్ రాజ్‌పుత్‌, న‌భా న‌టేష్ క‌థానాయిక‌లుగా న‌టిస్తున్నారు. రామ్ తాళ్లూరి నిర్మిస్తున్న ఈ చిత్రానికి సంబంధించిన తాజా టీజ‌ర్‌ని చిత్ర బృందం టీజర్ 2.ఓ పేరుతో సంక్రాంతి సంద‌ర్భంగా సోమ‌వారం రిలీజ్ చేసింది. ఇప్ప‌టికే ర‌వితేజ‌కు సంబంధించిన రెట్రోలుక్ స్టిల్స్ సినిమాపై ఆస‌క్తిని రేకెత్తిస్తున్నాయి. తాజాగా రిలీజ్ చేసిన 2.ఓ టీజర్ కూడా ఆ అంచ‌నాల్ని మ‌రింత‌గా పెంచేలా వుంది.
`పోస్ట్ వార్ స్ట్రెస్ డిజార్డ‌ర్ గురించి తెలుసా? సోల్జ‌ర్స్ సంవ‌త్స‌రాల పాటు బాంబింగ్స్‌తోనూ, ఫైరింగ్స్‌తోనూ యుద్ధాలు చేసి స‌డెన్‌గా రిటైరై ఇంట్లో వుంటే వ‌చ్చే సైలెన్స్ ఉంట‌ది చూడు..అది అప్ప‌టి దాకా వాళ్లు చూసిన వైలెన్స్ కంటే భ‌యంక‌రంగా వుంటుంది` అంటూ ఓ వ్య‌క్తి మాట‌ల‌తో ప్రారంభ‌మైన టీజర్ ఉత్కంఠ‌భ‌రింత‌గా సినిమా వుండ‌బోతోంద‌నే సంకేతాల్ని అందిస్తోంది.
టీజర్ చివ‌ర‌లో ర‌వితేజ చెప్పిన `ఐ ల‌వ్ ఫ్రీక్ అండ్ ఫియ‌ర్ ఇన్ యువ‌ర్ ఐస్‌`అనే డైలాగ్‌లు సినిమా చాలా కొత్త‌గా వుంటుద‌ని తెలియ‌జేస్తున్నాయి. వ‌రుస హిట్ చిత్రాల‌ని త‌న ఖాతాలో వేసుకుంటున్న త‌మ‌న్ ఈ చిత్రానికి కూడా సంగీతం అందించాడు, నేప‌థ్య సంగీతం ఫీల్ తో సాగిపోయేలా క‌నిపిస్తోంది. రెట్రో థ్రిల్ల‌ర్‌గా రూపొందుతున్న ఈ చిత్రాన్ని ఈ నెల 24న రిలీజ్ చేయ‌బోతున్నారు.
