మాస్ మహారాజా రవితేజ కథానాయకుడిగా తెరకెక్కుతోన్న చిత్రం డిస్కోరాజా. యస్.ఆర్. టి. ఎంటర్టైన్మెంట్ పతాకంపై వి.ఐ.ఆనంద్ దర్శకత్వంలో రామ్ తాళ్లూరి ఈ చిత్రాన్ని నిర్మిస్తున్నారు.
ఈ బ్యానర్లో “నేల టికెట్” చిత్రం తర్వాత రవితేజ చేస్తున్న చిత్రమిది. పాయల్ రాజ్ పుత్, నాభ నటేష్ హీరోయిన్స్ గా నటిస్తున్నారు. వి ఐ ఆనంద్ విభిన్నమైన కథతో ఈ చిత్రాన్ని తెరకెక్కిస్తున్నారని తెలుస్తోంది. కమర్షియల్ ఎలిమెంట్స్ అన్నీ ఈ చిత్రంలో వుంటాయని ధీమా వ్యక్తం చేస్తున్నారు ఆయన.
క్వాలిటీ పరంగా ఎక్కడా కాంప్రమైజ్ కానీ ప్రొడ్యూసర్ రామ్ తాళ్లూరి. వీరి కలయికలో వస్తోన్న డిస్కోరాజా గ్యారెంటీగా సూపర్ హిట్ ఫిలిం అవుతోందని చిత్ర యూనిట్లో టాక్ విన్పిస్తోంది. ఈ చిత్రం ఫస్ట్ లుక్ ని వినాయక చవితి సందర్బంగా సెప్టెంబర్ 2న విడుదల చేయనున్నారు చిత్ర యూనిట్. ఇక చిత్రం తాజా షెడ్యూల్ యూరప్ లో జరగనుంది. అన్ని కార్యక్రమాలు పూర్తిచేసి ఈ చిత్రాన్ని డిసెంబర్ 20న క్రిస్మస్ కానుకగా వరల్డ్ వైడ్ గా రిలీజ్ చేయనున్నారు. థమన్ సంగీతాన్ని సమకూరుస్తున్నారు..!!