నందమూరి బాలకృష్ణ ప్రస్తుతం తన 105వ చిత్రం షూటింగ్ తో బిజీగా ఉన్నాడు. కెఎస్ రవికుమార్ దర్శకత్వంలో సి కళ్యాణ్ నిర్మాణంలో ఈ చిత్రం తెరకెక్కుతోన్న విషయం తెల్సిందే. ఇటీవలే విడుదల చేసిన ఫస్ట్ లుక్ కు విపరీతమైన పాజిటివ్ రెస్పాన్స్ వచ్చింది. ఐరన్ మ్యాన్ ను పోలిన లుక్ లో బాలయ్య అదిరిపోయాడని కితాబులు వచ్చాయి.
ఇంకా టైటిల్ నిర్ణయించని ఈ చిత్రాన్ని ముందు సంక్రాంతికి విడుదల చేయాలని భావించినా తర్వాత వెనక్కి తగ్గారట. అక్టోబర్ 5 నుండి హైదరాబాద్ లో ఈ చిత్ర తాజా షెడ్యూల్ మొదలుకానుంది. టైటిల్ తో పాటు ఈ చిత్ర టీజర్ ను దసరా కానుకగా విడుదల చేయాలని చిత్ర యూనిట్ భావిస్తోంది. ఇప్పటికే అందుకు సంబంధించిన పనులు మొదలయ్యాయట.
రెండు డిఫరెంట్ లుక్స్ లో బాలయ్య కనిపించే ఈ చిత్రంలో వేదిక, సోనాల్ చౌహన్ హీరోయిన్లుగా నటిస్తున్నారు. ఇంకా ప్రకాశ్‌ రాజ్‌, జయసుధ, భూమిక చావ్లా ప్రధాన పాత్రల్లో నటిస్తున్నారు. చిరంత‌న్ భ‌ట్‌ ఈ చిత్రానికి సంగీత దర్శకత్వం వహిస్తున్నారు.