మెగా బ్ర‌ద‌ర్ గ‌త కొన్ని నెల‌లుగా త‌ర‌చూ వార్త‌ల్లో నిలుస్తున్నారు. వార్త‌ల్లో నిలుస్తున్నారు అన‌డం కంటే వార్త‌ల‌లో నిల‌వ‌డం కోసమే కొత్త పంథాని అనుస‌రిస్తున్నార‌ని చెప్పొచ్చు. ఆ మ‌ధ్య బాల‌కృష్ణ‌పై సంచ‌ల‌న వ్యాఖ్య‌లు చేసి వార్త‌ల్లో నిలిచిన ఆయ‌న తాజాగా విల‌న్ వేశాల కోసం త‌న‌ని తాను స‌రికొత్త‌గా మార్చుకుని ప్ర‌త్యేకంగా ఫొటోషూట్‌ల‌కు పోజులివ్వ‌డం.. ఆ ఫొటోలు బ‌య‌టికి రావ‌డం.. వాటిపై చ‌ర్చ జ‌ర‌గ‌డం తెలిసిందే.
తాజాగా మరోసారి మెగా బ్ర‌ద‌ర్ నాగాబాబు వార్త‌ల్లో నిలిచారు. ఈ సారి ఆయ‌న వార్త‌ల్లో నిలిచింది వాట్సాప్ డీపీ వ‌ల్ల. ప్ర‌తీ ఒక్క‌రికీ త‌మ‌కు ఇష్ట‌మైన డీపీని పెట్టుకునే అల‌వాటు వుంటుంది. నాగ‌బాబుకి మాత్రం ఈ విష‌యంలో విచిత్ర‌మైన ఆలోచ‌న వ‌చ్చిన‌ట్టుంది. తన ఫొటో. లేదా త‌న‌కు న‌చ్చిన ఫొటో కాకుండా ఏకంగా రామ్‌గోపాల్‌వ‌ర్మ, బాల‌కృష్ణ‌ల ఫొటోని తన వాట్సాప్ డీపీగా పెట్టుకోవ‌డం ప‌లువురిని ఆశ్చ‌ర్యానికి గురిచేస్తోంది. `ఇన్ స్టాలో `Ask me A Quetion` పేరుతో స‌ర‌దా సంగ‌తులు పంచుకున్నారు. ఇందులో భాగంగా ఓ నెటిజన్.. `మీది ప్రేమ వివాహ‌మా? లేక పెద్ద‌లు కుదిర్చిన పెళ్లా? అని ప్ర‌శ్నించ‌డా…త‌న‌ది పెద్ద‌లు కుదిర‌చ్చిన పెళ్లేన‌ని తెలిపారు.
మ‌రో ప్ర‌శ్న‌కు స‌మాధానంగా త‌న‌కు న్యూజీలాండ్ అంటే త‌న‌కెంతో ఇష్ట‌మ‌ని అన్నారు. అనంత‌రం ఓ నెటిజన్ `మీ వాట్సాప్ టీపీ ఏమిటి? అని ప్ర‌శ్నించ‌గా `రామ్‌గోపాల్‌వ‌ర్మ, బాల‌కృష్ణ క‌లిసి దిగిన ఓ ఫొటోని షేర్ చేశారు. ఈ ఫొటోలో వ‌ర్మ‌తో మాట్లాడుతూ బాల‌య్య ముసి ముసి న‌వ్వులు న‌వ్వుతున్నారు. ఇది `రైతు` సినిమా కోసం బిగ్‌బి అమితాబ్‌ని ఓ కీల‌క పాత్ర కోసం ద‌ర్శ‌కుడు కృష్ణవంశీ, బాల‌కృష్ణ క‌లిసి ముంబైకి వెళ్లిన‌ప్పుడు వ‌ర్మ‌ని క‌లిశారు. ఆ సంద‌ర్భంగా వ‌ర్మ‌తో బాల‌కృష్ణ మాట్లాడుతున్న‌ప్పుడు క్లిక్ మ‌న్న ఫొటో ఇది. అయితే ఆ ఫొటోని నాగ‌బాబు డీపీగా నిజంగానే పెట్టుకున్నారా? లేక నెటిజన్ ప్ర‌శ్న‌కు వ్యంగ్యంగా స‌మాధానం ఇచ్చారా? అని చ‌ర్చ జ‌రుగుతోంది.