యంగ్ హీరో ఆది సాయికుమార్ గత కొంత కాలంగా రేసులో వెనకబడి వున్న విషయం తెలిసిందే. తాజాగా వరుస చిత్రాల్లో నటిస్తూ స్పీడు పెంచారు. అయితే ప్రతీ మూవీ కొత్తగా వుండేలా ప్లాన్ చేసుకుంటున్న ఆది `జంగిల్` టీజర్తో ఆకట్టుకున్న విషయం తెలిసిందే. థ్రిల్లర్ ఎంటర్ టైనర్గా రూపొందుతున్నప `జంగిల్` ఆదికి హిట్ ఇచ్చేలా కనిపిస్తోంది. ఈ మూవీతో పాటు ఆది నటిస్తున్న మరో చిత్రం `బ్లాక్`.
మహంకాళి మూవీస్ బ్యానర్పై మహంకాళి దివాకర్ ఈ చిత్రాన్ని నిర్మిస్తున్నారు. జి.బి. కృష్ణ దర్శకుడిగా పరిచయం అవుతున్నారు. ఆది తొలిసారి ద్విపాత్రాభినయం చేస్తున్నారు. ఈ మూవీ షూటింగ్ దాదాపుగా పూర్తయింది. హీరో ఆది సాయికుమార్ పుట్టిన రోజుని పురస్కరించికుని చిత్ర బృందం ఈ చిత్ర న్యూ లుక్ పోస్టర్ని బుధవారం విడుదల చేసింది.
కొత్త పోస్టర్లో ఆది డబుల్ రోల్ చేస్తున్నట్టుగా కనిపిస్తోంది. టు డిఫరెంట్ గెటప్స్లలో ఆది కనిపిస్తున్న తీరు సినిమాపై ఆసక్తిని రేకెత్తిస్తోంది. చాలా కాలంగా సరైన హిట్ కోసం ఎదురుచూస్తున్న ఆది సాయికుమార్ ఈ మూవీతో ఆడియన్స్కి డబుల్ ట్రీట్ ఇవ్వబోతున్నట్టుగా కనిపిస్తోంది. థ్రిల్లర్ ఎంటర్టైనర్లా రూపొందుతున్న ఈ మూవీకి సంబంధించిన మరిన్ని వివరాలు త్వరలోనే బయటికి రానున్నాయి.