డేటింగ్లు, బ్రేకప్లు దక్షిణాదిలో చాలా అరుదు. కానీ బాలీవుడట్ పున్యమా అని అది దక్షిణాదికి కూడా పాకింది. ఈ ఏడాది పీకల్లోతు ప్రేమలో మునిగిపోయిన చాలా మంది బ్రేకప్లు చెప్పుకుని వార్తల్లో నిలిచారు. కొంత మందైతే ప్రేమించి పెళ్లి చేసుకుని ఆ బంధానికి వీడ్కోలు కూడా చెప్పడం పలువురిని ఆశ్చర్యానికి గురిచేసింది. ప్రేమలో వున్నామంటూ ప్రకటించిన జంటలు కొన్ని రోజులు గడవ కుండానే విడిపోతున్నాంటూ సోషల్ మీడియా వేదికగా ప్రకటించిన షాకిచ్చారు.
ప్రముఖ హీరో కమల్హాసన్ గారాల పట్టి, పైగా స్టార్ హీరోయిన్ శృతిహాసన్ తనకు బాగా నచ్చాడని ఇటాలీయన్ నటుడు మైఖేల్ క్రోసన్ని ప్రేమించింది. ఇద్దరూ చెట్టపట్టాలేసుకుని తిరిగారు. ఈ విషయం కమల్హాసన్ దాకా వెళ్లింది. చెన్నైలో జరిగిన ఓ కార్యక్రమానికి సంప్రదాయ బద్దంగా తమిళ పంచె కట్టులో శృతిహాసన్తో కలిసి మైఖేల్ క్రోసల్ పాల్గొన్నాడు. దంతో త్వరలో ఇద్దరు పెళ్లిపీట లెక్కబోతున్నారని కోలీవుడ్ అంతటా ప్రచారం జరిగింది. కానీ ఈ వార్తలకి ఫుల్ స్టాప్ పెడుతూ ఏప్రిల్లో శృతికి బ్రేకప్ చెప్పేశానంటూ సోషల్ మీడియా వేదికగా పోస్ట్ పెట్టడం పలువురిని ఆశ్చర్యానికి గురిచేసింది. శృతి కూడా ఈ విషయాన్ని బలపరడంతో వీరి ప్రేమకథ ముగిసిపోయింది.
క్రమశిక్షణకు మారు పేరు మంచు ఫ్యామిలీ. అలాంటి ఇంటి హీరో కూడా ఈ ఏడాది తన వివాహ బంధానికి ముగింపు పలకడం కలకలం రేపింది. ప్రణతీరెడ్డిని ప్రేమించి ఆ తరువాత పెద్దల అంగీకరింతో పెళ్లి చేసుకున్నారు యంగ్ హీరో మంచు మనోజ్. 2015 మే20 వీరి వివాహం జరిగింది. ఆ తరువాత నుంచి కెరీర్ పరంగా మనోజ్ ఇబ్బందుల్ని ఎదుర్కొంటున్నారు. దీనికి తోడు ఇద్దరి మధ్య మనస్పర్థలు తారా స్థాయికి చేరడంతో విడాకులకు అప్లై చేసుకుని విడిపోయారు. ఈ టాపిక్ ఇంటస్ట్రీతో పాటు సామాన్య జనాల్లోనూ హాట్ టాపిక్గా మారింది.
తెలుగులో క్రేజీ హీయిన్గా పేరు తెచ్చుకున్న శ్వేతాబసు ప్రసాద్ ఓ వ్యభిచార సంఘటన కారణంగా వార్తల్లో నిలిచి తెలుగులో కెరీర్ని నాశనం చేసుకుంది. ఆ తరువాత తన మిత్రుడు, వ్యాపార వేత్త రోహిత్ మిట్టల్ని ప్రేమ వివాం చేసుకుంది. ఏమైందో ఏమో తెలియదు కానీ ఏడాది తిరక్కుండానే విడాకులకు అప్లై చేయడం చర్చనీయాంశంగా మారింది. ఇక ఆస్ట్నేలియన్ ఫొటోగ్రాఫర్ ఆండ్రూ నిబోన్తో డేటింగ్ చేస్తూ వార్తల్లో నిలిచిన ఇలియానా తన ప్రియుడితో కలిసి గడిపిన ప్రతి క్షణాన్నిసోషల్మీడియా ఇన్స్టాలో పోస్ట్ చేస్తూ రచ్చ చేసిన ఇలియానా ఉన్నట్టుండి ఈ ఏడాదే ఆండ్రూనిబోన్ కి బ్రేకప్ చెప్పేసి నెటిజన్స్కి షాకిచ్చింది. ఇలా ఈ ఏడాది బ్రేప్లతో షాకిచ్చిన ఈ జంటలు వచ్చే ఏడాది కొత్త ప్రేమాయణాలకి తెర తీస్తారేమో చూడాలి.