నటుడిగా, రైటర్ గా, డైరెక్టర్ గా రాణించిన శ్రీనివాస్ అవసరాల కొంత గ్యాప్ తర్వాత చేస్తోన్న సినిమా 101 జిల్లాల అందగాడు. తానే ఈ సినిమాకు కథ అందించగా రాచకొండ విద్యాసాగర్ డైరెక్ట్ చేసాడు. క్రిష్ మరియు దిల్ రాజు ఈ చిత్రాన్ని నిర్మించారు. సెప్టెంబర్ 3న విడుదల కానున్న ఈ సినిమా ట్రైలర్ ఇప్పుడు విడుదలైంది.
బట్టతల ఉండే ఒక వ్యక్తి సమాజంలో ఎదుర్కొనే పరిస్థితుల నేపథ్యంలో ఈ సినిమా సాగుతుందని ట్రైలర్ చుస్తే అర్ధమైంది. బట్టతలను దాచుకుంటూ విగ్ పెట్టుకుని బయట మ్యానేజ్ చేసే హీరోగా శ్రీనివాస్ అవసరాల నటించాడు. బట్టతలపై సాగించే పోరాటం, ఆ హీరో ఫ్రస్ట్రేషన్ నేపథ్యంలో కథ సాగుతుందని అర్ధమవుతోంది. కామెడీ ప్రధానంగా సాగినా కూడా ఎమోషన్స్ కు కూడా పెద్ద పీట వేశారు.
మొత్తానికి 101 జిల్లాల అందగాడు ట్రైలర్ తో మెప్పించింది. మరి సినిమా ఎలా ఉంటుందో తెలియాలంటే సెప్టెంబర్ 3 వరకూ ఆగక తప్పదు.
