మలయాళ సూపర్ స్టార్ మోహన్ లాల్ హీరోగా వచ్చిన దృశ్యం సినిమా అప్పట్లో ఎంత సెన్సేషన్ క్రియేట్ చేసిందో మనందరికీ తెలుసు. దృశ్యం చిత్రాన్ని చాలా భాషల్లోకి రీమేక్ చేసారు. విడుదలైన అన్ని భాషల్లో ఈ చిత్రం సూపర్ డూపర్ హిట్ గా నిలిచింది. తెలుగులో విక్టరీ వెంకటేష్ హీరోగా నటించి సూపర్ హిట్ ను అందుకున్నాడు.
ఇప్పుడు దృశ్యం 2 తెరకెక్కుతోంది. మోహన్ లాల్ హీరోగా ఈ చిత్రాన్ని పూర్తి చేసారు. ఫిబ్రవరి 19న ఈ చిత్రం అమెజాన్ ప్రైమ్ లో ఓటిటి విడుదల కానుంది. థియేట్రికల్ రిలీజ్ కాకుండా ఓటిటిలో ఈ సినిమా వస్తుండడంతో అన్ని భాషల వారూ ఈ చిత్రాన్ని చూసే సదుపాయం కలిగింది.
దృశ్యం విజయం దృష్ట్యా సీక్వెల్ పై దేశవ్యాప్తంగా మంచి అంచనాలే ఉన్నాయి. మరి దృశ్యం 2 విడుదలవుతోన్న నేపథ్యంలో వెంకటేష్ ఈ సీక్వెల్ ను కూడా రీమేక్ చేస్తాడా అన్న సందేహం ఉంది. అయితే విశ్వసనీయ వర్గాల సమాచారం మేరకు వెంకటేష్ ఈ సీక్వెల్ రీమేక్ చేయకూడదు అనే అనుకుంటున్నాడట.
ఓటిటి రిలీజ్ వస్తుండడంతో దృశ్యం 2ను అందరూ చూసేస్తారు. దీంతో రీమేక్ ఎంతవరకూ వర్కౌట్ అవుతుందో అన్న సందేహంలో ఉన్నాడు వెంకీ.