సైకో మిస్ట‌రీ థ్రిల్ల‌ర్ `రాట్స‌స‌న్‌`. త‌మిళంలో సంచ‌ల‌న విజ‌యాన్ని సాధించిన ఈ చిత్రాన్ని తెలుగులో `రాక్ష‌సుడు` పేరుతో రీమేక్ చేస్తే ఇక్క‌డా స‌క్సెస్‌ని సొంతం చేసుకుంది. ప్ర‌స్తుతం మ‌రో సైకో థ్రిల్ల‌ర్‌తో విష్ణ విశాల్ ప్రేక్ష‌కుల ముందుకు రాబోతున్నాడు. ఈ చిత్రాన్ని విష్ణు విశాల్ స్టూడియోస్ బ్యాన‌ర్‌పై స్వ‌యంగా విష్ణు విశాలే నిర్మిస్తున్నారు.
ముర‌ళీ కార్తిక్ రూపొందిస్తున్న ఈ సైకో థ్రిల్ల‌ర్‌కు `మోహ‌న్‌దాస్‌` అనే టైటిల్‌ని ఖ‌రారు చేశారు. శ‌నివారం ఈ చిత్ర టైటిల్ ఫ‌స్ట్ లుక్ టీజ‌ర్‌ని రిలీజ్ చేశారు. య‌దార్థ సంఘ‌ట‌న‌ల ఆధారంగా రూపొదుతున్న ఈ చిత్రంలో విష్ణు విశాల్ సైకో కిల్ల‌ర్‌గా న‌టిస్తున్నట్టు తెలుస్తోంది. టీజ‌ర్‌లో ఓ యువ‌తిని హ్యామ‌ర్‌తో కొట్టి చంపుతున్న దృశ్యాలు భ‌యంక‌రంగా వున్నాయి.
గాంధీజీ చెప్పి చెడు విన‌కు, చెడు చూడ‌కు, చెడు మాట్లాడ‌కు అనే త్రీ మంకీస్‌ని టీజ‌ర్‌లో చూపించారు. అలాంటి వ్య‌క్తుల్ని చంపే కిల్ల‌ర్‌గా విష్ణు విశాల్ చిత్రంలో క‌నిపిస్తారా? లేక ఆయ‌న పాత్ర ఎలా వుంటుందనేది మిస్ట‌రీగానే వుంది. ఈ చిత్ర షూటింగ్‌ని ఈ నెల‌లోనే ప్రారంభించాల‌ని అనుకున్నా క‌రోనా కార‌ణంగా రెగ్యుల‌ర్ షూటింగ్‌ని వాయిదా వేశామ‌ని హీరో విష్ణు విశాల్ వెల్ల‌డించారు. ఈ చిత్రాన్ని తెలుగులోనూ రిలీజ్ చేయాల‌ని ప్లాన్ చేస్తున్నారు.
Here’s the TITLE ANNOUNCEMENT TEASER of my next, directed by @im_the_TWIST. This time the hammer is in my hands?https://t.co/1Zm4ncdAHa@VVStudioz @24frps @SundaramurthyKS @editorKripa @turmericmediaTM
PS: Watch it on your laptop or TV, YouTube is restricted to 480P on ?now
— VISHNU VISHAL – VV (@TheVishnuVishal) April 11, 2020