మాస్ హీరో విశాల్, హ్యాట్రిక్ హీరోయిన్ సమంత యాక్షన్ కింగ్ అర్జున్ ప్రధాన పాత్రల్లో విశాల్ ఫిలిం ఫ్యాక్టరీ, హరి వెంకటేశ్వర పిక్చర్స్ బేనస్స్పై ఎమ్. పురుషోత్తమ్ సమర్పణలో యువ నిర్మాత జి. హరి నిర్మించిన ‘అభిమన్యుడు‘ సూపర్ టాక్తో రెండవ వారంలో సూపర్ కలెక్షన్స్తో దూసుకెళ్తోంది. ఈ సందర్భంగా చిత్ర బృందం వైజాగ్ సి ఎమ్ ఆర్ మాల్ లో వేలాది మంది అభిమానులు, ప్రేక్షకులతో తమ విజయానందాన్ని పంచుకున్నారు. ఈ సందర్భంగా….
మాస్ హీరో విశాల్ మాట్లాడుతూ, ” ముందుగా అభిమన్యుడు ని ఇంత ఘన విజయం చేసిన ప్రేక్షకులకి కృతజ్ఞతలు. తెలుగు ప్రేక్షకులు మొదటి నుండీ నన్నెంతగానో ఆదరిస్తున్నారు. ఈ విజయం తో నాకు మరింత ఉత్సాహాన్ని ఇచ్చారు. త్వరలోనే ఇదే టీం తో ‘అభిమన్యుడు 2’ మొదలుపెట్టబోతున్నాం. ‘పందెంకోడి 2’ విజయదశమి కి రిలీజ్ అవుతుంది” అన్నారు.
నిర్మాత గుజ్జలపూడి హరి మాట్లాడుతూ, ” నిర్మాతగా ఇది నాకు చాలా పెద్ద విజయం. ఈ విజయాన్ని అందించిన విశాల్ కి, ప్రేక్షకులకి కృతజ్ఞతలు” అన్నారు.
దర్శకుడు పి ఎస్ మిత్రన్ మాట్లాడుతూ, ” మంచి సినిమాకి ఎక్కడైనా అద్భుతమైన ఆదరణ లభిస్తుందని ఈ విజయం నిరూపించింది. ఇంత మంది సమక్షంలో విజయోత్సవ వేడుకలు జరుపుకోవడం చాలా థ్రిల్లింగ్ గా ఉంది” అన్నారు.