Sunday, September 25, 2022
Homeటాప్ స్టోరీస్రౌడీ హీరోయిన్‌ జోరు మామూలుగా లేదుగా!

రౌడీ హీరోయిన్‌ జోరు మామూలుగా లేదుగా!

Vijay Deverakonda heroine gets bollywood offer
Vijay Deverakonda heroine gets bollywood offer

టాలీవుడ్ బాక్సాఫీస్ వ‌ద్ద సంచ‌ల‌నం సృష్టించిన చిత్రం `అర్జున్‌రెడ్డి`. తెలుగు చిత్రాల పంథాను మార్చి గేమ్ ఛేంజ‌ర్‌గా పేరు తెచ్చుకున్న ఈ సినిమా విజ‌య్ దేవ‌ర‌కొండ‌ని రాత్రికి రాత్రి సూప‌ర్‌స్టార్‌ని చేసిన విష‌యం తెలిసిందే. బ్లాక్ బ‌స్టర్ విజ‌యాన్ని న‌మోదు చేసుకున్న ఈ సినిమా ద్వారా క‌థానాయిక‌గా షాలిని పాండే ప‌రిచ‌య‌మైంది. తొలి సినిమాలోనే బోల్డ్ స‌న్నివేశాల్లో, లిప్ లాక్ స‌న్నివేశాల్లో న‌టించి టాక్ ఆఫ్ ది ఇండ‌స్ట్రీగా మారింది. `అర్జున్‌రెడ్డి`లో షాలిని పాండే ప్ర‌ద‌ర్శించిన న‌ట‌న‌కు విమ‌ర్శ‌కుల నుంచి ప్ర‌శంస‌లు ద‌క్కాయి.

- Advertisement -

ఈ సినిమా తెచ్చిన క్రేజ్‌తో వ‌రుస ఆఫ‌ర్ల‌ని సొంతం చేసుకుంటూ టాలీవుడ్‌లో క్రేజీ క‌థానాయికగా దూసుకుపోతోంది. ప్ర‌స్తుతం తెలుగులో రాజ్ త‌రుణ్ హీరోగా దిల్ రాజు కొత్త ద‌ర్శ‌కుడితో నిర్మిస్తున్న చిత్రం `ఇద్ద‌రి లోకం ఒక‌టే`, అనుష్క‌, మాధ‌వ‌న్ కీల‌క పాత్ర‌ల్లో తెలుగు, త‌మిళ‌, మ‌ల‌యాళ‌, ఇంగ్లీష్ భాష‌ల్లో కోన ఫిల్మ్ కార్పొరేష‌న్ బ్యాన‌ర్‌పై కోన వెంక‌ట్ నిర్మిస్తున్న `నిశ్శ‌బ్దం` చిత్రాల్లో న‌టిస్తోంది. ఇవి కాకుండా త‌మిళంలో జివి ప్ర‌కాష్‌కుమార్ తో క‌లిసి `100% ల‌వ్‌` త‌మిళ రీమేక్‌లోనూ న‌టించింది. ప్ర‌స్తుతం జీవా  హీరోగా న‌టిస్తున్న `గొరిల్లా` చిత్రం చేస్తోంది షాలిని పాండే.

తాజాగా ఆమెకు బాలీవుడ్‌లో బంప‌ర్ ఆఫ‌ర్ ల‌భించింది. బాలీవుడ్ హీరోల్లో ర‌ణ్‌వీర్ సింగ్ క్రేజ్ ఏ స్థాయిలో వుందో అర్థం చేసుకోవ‌చ్చు. ప్ర‌స్తుతం 1983 వ‌ర‌ల్డ్ క‌ప్ నేప‌థ్యంలో క‌బీర్‌ఖాన్ రూపొందిస్తున్న `83`లో న‌టిస్తున్నారు. దీపికా ప‌దుకోన్‌తో క‌లిసి మ‌ధు మంతెన‌, క‌బీర్‌ఖాన్‌, సాజిద్ న‌దియా వాలా నిర్మిస్తున్న ఈ సినిమా వ‌చ్చే ఏడాది ఏప్రిల్‌లో రిలీజ్ కాబోతోంది. ఇదిలా వుంటే ర‌ణ్‌వీర్ సింగ్ త‌న‌ని హీరోగా ప‌రిచ‌యం చేసిన య‌ష్‌రాజ్‌ఫిల్మ్‌కు ఓ సినిమా చేయ‌బోతున్నారు. `జ‌యేష్‌భాయ్ జోర్‌దార్‌` పేరుతో రానున్న ఈ చిత్రంలో `అర్జున్‌రెడ్డి` ఫేమ్ షాలిని పాండేకు హీరోయిన్‌గా న‌టించే గోల్డెన్ ఆఫ‌ర్ ద‌క్కింది.  గ‌త కొంత కాలంగా బాలీవుడ్ ఎంట్రీ కోసం ఎదురుచూస్తున్న షాలిని పాండేకు ఈ చిత్రం మంచి లాంచ్ ప్యాడ్ కానుంద‌ని చెబుతున్నారు.

Advertisement
Advertisement

టాప్ స్టోరీస్

View All

గాసిప్స్

View All

Latest Posts