డియర్ కామ్రేడ్ చిత్రం కోసం కాకినాడ పరిసర ప్రాంతాల్లో షూటింగ్ జరుపుకుంటున్న సందర్బంగా పనిలో పనిగా ఇతర పనులను కూడా చక్కబెట్టేస్తున్నాడు హీరో విజయ్ దేవరకొండ . రష్మిక మందన్న – విజయ్ దేవరకొండ ల కాంబినేషన్ లో ఇంతకుముందు వచ్చిన ” గీత గోవిందం ” చిత్రం ప్రభంజనం సృష్టించడంతో ఈ జంటకు ఎనలేని క్రేజ్ వచ్చింది . దాంతో మళ్ళీ డియర్ కామ్రేడ్ లో జంటగా నటిస్తున్నారు . రష్మిక మందన్న క్రికెట్ ప్లేయర్ గా నటిస్తోంది .
కాకినాడ పరిసర ప్రాంతాల్లో ఎక్కువగా ఈ సినిమా షూటింగ్ జరుగుతోంది . ఇటీవలే ట్రైన్ ఎపిసోడ్ చిత్రీకరించగా అందులో స్వల్ప గాయాలతో బయటపడ్డాడు విజయ్ దేవరకొండ. దాంతో షూటింగ్ కి గ్యాప్ వచ్చింది అందుకే ఆ గ్యాప్ లో తన పర్సనల్ పనులు చక్కబెట్టాడు . ఈ హీరో కే ఎల్ ఎం ఫ్యాషన్స్ కి బ్రాండ్ అంబాసిడర్ గా వ్యవహరిస్తున్న విషయం తెలిసిందే . ఆ గ్యాప్ లో మరోసారి కె ఎల్ ఎం కోసం కాకినాడలో సందడి చేసాడు విజయ్ దేవరకొండ .తమ అభిమాన కథానాయకుడు కాకినాడ లో సందడి చేయడంతో పెద్ద ఎత్తున అభిమానులు తరలివచ్చారు విజయ్ దేవరకొండ ని చూడటానికి .
English Title; Vijay devarakonda hulchal in kakinada