టాలీవుడ్ సంపన్నుల జాబితాలో చోటు దక్కించుకొని అరుదైన రికార్డ్ ని సొంతం చేసుకున్నాడు టాలీవుడ్ నయా సూపర్ స్టార్ విజయ్ దేవరకొండ . ప్రతిష్టాత్మక ఫోర్బ్స్ సంస్థ భారతదేశం లోని సంపన్నుల జాబితా ని ప్రతీ ఏడాది విడుదల చేస్తున్న విషయం తెలిసిందే . తాజాగా 2018 సంపన్నుల జాబితా అంటూ ఓ లిస్ట్ విడుదల చేసింది కాగా అందులో విజయ్ దేవరకొండ కు స్థానం దక్కడం విశేషం . ఈ హీరోకు ఫోర్బ్స్ జాబితాలో దక్కిన స్థానం ఎంతో తెలుసా …… 72 వ స్థానం . వంద మంది లిస్ట్ ని ఈ సంస్థ విడుదల చేయగా అందులో విజయ్ దేవరకొండ 14 కోట్ల సంపాదనతో 72 వ స్థానంలో నిలిచాడు . తక్కువ సమయంలోనే ఆ స్థానంలో నిలవడం అంటే గొప్ప విషయమే మరి .
ఈ ఏడాది విజయ్ దేవరకొండ కు బాగా కలిసి వచ్చింది . గీత గోవిందం చిత్రంతో వంద కోట్ల క్లబ్ లోకి ఎంటర్ అయ్యాడు , అలాగే టాక్సీ వాలా తో 21 కోట్లకు పైగా షేర్ సాధించి ట్రేడ్ విశ్లేషకులను సైతం ఆశ్చర్యానికి గురిచేశాడు . ఇక ఈ జాబితాలో మన టాలీవుడ్ నుండి పవన్ కళ్యాణ్ 24 వ స్థానంలో ఉన్నాడు ( సంపాదన 31. 33 కోట్లు ) 28 కోట్ల సంపాదనతో 28 వ స్థానంలో ఎన్టీఆర్ , 24 . 33 కోట్ల సంపాదనతో 33 వ స్థానంలో మహేష్ బాబు ,22. 5 కోట్ల సంపాదనతో 36 వ స్థానంలో నాగార్జున , 20 కోట్ల సంపాదనతో 39 వ స్థానంలో కొరటాల శివ , 15. 67 కోట్ల సంపాదనతో 64 వ స్థానంలో అల్లు అర్జున్ , 14 కోట్ల సంపాదనతో విజయ్ తో సమానంగా రాంచరణ్ కూడా 72 వ స్థానంలో నిలిచాడు .