నెల్సన్ దిలీప్ దర్శకత్వంలో ఇళయదళపతి విజయ్ నటించిన చిత్రం ‘బీస్ట్’. పూజా హెగ్డే హీరోయిన్గా నటించిన ఈ సినిమాను సన్ పిక్చర్స్ బ్యానర్పై కళానిధి మారన్ నిర్మించారు. అనిరుధ్ రవిచందర్ సంగీతం అందించాడు. సెల్వ రాఘవన్, యోగి బాబు తదితరులు కీలక పాత్రలు చేసిన ఈ మూవీ భారీ అంచనాల నడుమ ఈరోజు ప్రేక్షకుల ముందుకు వచ్చింది. తమిళ్ తో పాటు పలు భాషల్లో గ్రాండ్ గా రిలీజ్ అయ్యింది.
సినిమా చూసిన ప్రేక్షకులు , అభిమానులు బీస్ట్ వన్ మాన్ షో అంటున్నారు. ఫస్టాఫ్ మొత్తం విజయ్ మాస్ ఇంట్రో సీన్తో పాటు ఇంటర్వెల్ ట్విస్ట్తో యాక్షన్ ప్యాక్లా సాగిపోయిందని, కామెడీ కూడా అదిరిపోయేలా డిజైన్ చేశారని చెబుతున్నారు. అయితే, సెకెండాఫ్ మాత్రం ఫస్టాఫ్కు భిన్నంగా ఉందని , ఎక్కువగా యాక్షన్ ఎపిసోడ్స్తోనే నడిపించారని అంటున్నారు. హీరో నటన, క్యారెక్టరైజేషన్, ఇంట్రడక్షన్ సీన్ బాగున్నాయట. అలాగే అరబిక్ కుతూ సాంగ్ హైలైట్గా ఉందని , బ్యాగ్రౌండ్ స్కోర్, కామెడీ, యాక్షన్ ఎపిసోడ్స్ ఈ మూవీకి ప్లస్ అని అంటున్నారు. ఇక, కథలో కొత్తదనం లేకపోవడం, లాజిక్ లేని సీన్స్, లవ్ ట్రాక్ మైనస్గా మారాయని చెపుతున్నారు.