విజయ్ ఆంటోని.. ఎన్నో విజయవంతమైన చిత్రాలకు సంగీత దర్శకుడిగా పనిచేశారు. గాయకుడిగా, గేయ రచయితగా, ఎడిటర్గా మంచి పేరు తెచ్చుకున్నారు. `బిచ్చగాడు` చిత్రంతో హీరోగా తమిళనాడుతో పాటు ఉభయ తెలుగు రాష్ట్రాల్లో పాపులర్ అయ్యారు. తెలుగులోనూ మంచి మార్కెట్ని సొంతం చేసుకున్నారు. అయితే గత కొంత కాలంగా రేసులో వెనకబడ్డారు.
తాజా పరిస్థితుల నేపథ్యంలో చిత్ర పరిశ్రమలో విప్లవాత్మక మార్పులు చోటు చేసుకోబోతున్నాయి. ఈ నేపథ్యంలో తన పారితోషికాన్ని తగ్గించుకుంటున్నట్టు ప్రకటించారు. ఇలా ప్రకటించిన తొలి నటుడిగా వార్తల్లో నిలిచారు. నిర్మాతలకు అండగా వుండాలని ఆయన ఈ ప్రకటన చేయడం విశేషం.
లాక్డౌన్ కారణంగా సినీ పరిశ్రమ భారీ నష్టాలని చవిచూస్తోంది. ఈ ఏడాది చాలా మంది పనరి కోల్పోయే అకాశాలే అత్యధికంగా వున్నట్టు తెలుస్తోంది. ఈ నేపథ్యంలో ముందుగా విజయ్ ఆంటోని స్పందించడం ప్రాధాన్యతను సంతరించుకుంది. విజయ్ ఆంటోని ప్రస్తుతం తమిళంలో ఆరు చిత్రాల్లో నటిస్తున్నారు. ఒకటి పోస్ట్ ప్రొడక్షన్ దశలో వుండగా రెండు చిత్రీకరణ దశలో వున్నాయి. మూడు ప్రీ ప్రొడక్షన్ దశలో వున్నాయి.