తమిళ్ స్టార్ నటుడు శరత్ కుమార్ కూతురు వరలక్ష్మి అంజమ్మ గా ప్రేక్షకుల ముందుకు రాబోతుంది. యువ నటుడు తేజ సజ్జ, అమృత అయ్యర్ జంటగా ప్రశాంత్ వర్మ డైరెక్షన్లో తెరకెక్కుతున్న చిత్రం ‘హనుమాన్’. ఈ మూవీని కె. నిరంజన్ రెడ్డి నిర్మిస్తున్నారు. శుక్రవారం ఈ సినిమా నుంచి వరలక్ష్మీ శరత్ కుమార్ పోస్టర్ ను రిలీజ్ చేసారు మేకర్స్. ఈ పోస్టర్ లో వరలక్షి పెళ్లికూతురిగా అంజమ్మ(వరలక్ష్మి) గా కనిపించింది. ఈమె చేతిలో కొబ్బరి బోండాల గుత్తి పట్టుకొని ఆవేశంగా చూస్తున్నట్లు కనిపిస్తుంది.
తమిళంలో హీరోయిన్గా అలాగే విలక్షణ పాత్రల్లో నటించి.. మంచి గుర్తింపు తెచ్చుకున్న వరలక్ష్మి..తెలుగు లో క్రాక్ , నాంది సినిమాలతో ప్రేక్షకులకు బాగా దగ్గరైంది. ప్రస్తుతం గోపీచంద్ మలినేని – బాలకృష్ణ కాంబినేషన్లో రూపొందుతున్నసినిమా తో పాటు .. సమంత ప్రధాన పాత్రల్లో నటిస్తున్న యశోద సినిమాలో నటిస్తుంది.