మొదటిరోజున ఓపెనింగ్స్ లో సరికొత్త సంచలనం సృష్టించింది థగ్స్ ఆఫ్ హిందూస్తాన్ . అమితాబ్ బచ్చన్ , అమీర్ ఖాన్ , కత్రినా కైఫ్ నటించిన థగ్స్ ఆఫ్ హిందూస్తాన్ చిత్రం నిన్న ప్రపంచ వ్యాప్తంగా భారీ ఎత్తున విడుదలైన విషయం తెలిసిందే . అమితాబ్ నటించడం , అమీర్ ఖాన్ హీరో కావడంతో ఈ సినిమాపై భారీ అంచనాలు నెలకొన్నాయి . అయితే ఆ అంచనాలకు తగ్గట్లుగా సినిమా లేకపోయినప్పటికీ భారీ ఓపెనింగ్స్ మాత్రం వచ్చాయి . ఇంతకీ మొదటి రోజున వసూల్ అయిన మొత్తం ఎంతో తెలుసా ……. 52 కోట్లు . బాలీవుడ్ చిత్రాల్లో ఇది నవశకం అనే చెప్పాలి . ఇప్పటివరకు యాభై కోట్ల ఓపెనింగ్స్ సాధించిన చిత్రాలు బాలీవుడ్ లో లేవు కానీ ఆ బ్రేక్ అమీర్ ఖాన్ కు దక్కింది .
విజయ్ కృష్ణ ఆచార్య దర్శకత్వంలో తెరకెక్కిన ఈ చిత్రంలో కత్రినా కైఫ్ అందాలు స్పెషల్ ఎట్రాక్షన్ గా నిలిచాయి . బాహుబలి రేంజ్ లో విజయం సాధిస్తుందని ఆశలు పెంచుకున్నారు కానీ అట్టర్ ఫ్లాప్ గా తేలిపోయింది థగ్స్ ఆఫ్ హిందూస్తాన్ . భారీ సెట్టింగ్ లు వేసినప్పటికీ భారీ తారాగణం ఉన్నప్పటికీ కథ , కథనం లోపించడంతో థగ్స్ ఆఫ్ హిందూస్తాన్ డిజాస్టర్ జాబితాలో చేరిపోయింది . అయితే అమీర్ ఖాన్ కున్న క్రేజ్ తో ఈ నాలుగైదు రోజులు వసూళ్లు రావడం ఖాయం .
English Title: Thugs of Hindostan 1st Day world wide Collections