సూపర్ స్టార్ రజనీకాంత్ నటించిన సినిమాకు థియేటర్ లు ఇవ్వడం లేదని , థియేటర్ లన్ని కేవలం కొంతమంది చేతుల్లోనే ఉన్నాయని గగ్గోలు పెడుతున్నాడు నిర్మాత అశోక్ వల్లభనేని . తాజాగా రజనీకాంత్ నటించిన పేట చిత్రాన్ని తెలుగులో ఈనెల 10 న విడుదల చేయడానికి సన్నాహాలు చేస్తున్నాడు ఈ అశోక్ . అయితే సంక్రాంతి సీజన్ కావడంతో పాటుగా బాలయ్య నటించిన ఎన్టీఆర్ కథానాయకుడు , రాంచరణ్ నటించిన వినయ విధేయ రామ , వెంకటేష్ –వరుణ్ తేజ్ నటించిన ఎఫ్ 2 చిత్రాలు వరుసగా రిలీజ్ అవుతుండటంతో పేట చిత్రానికి పెద్దగా థియేటర్ లు దొరకలేదు .
ఇక దొరికిన కొన్ని థియేటర్ లు కూడా పాతవి , ఎక్కడో మూలన ఉన్న థియేటర్ లు దాంతో ఈ సినిమా తెలుగు హక్కులు తీసుకున్న అశోక్ వల్లభనేని రజనీకాంత్ సినిమాకు సైతం థియేటర్ లు దొరకడం లేదని ఆగ్రహంతో ఊగిపోతున్నాడు . సినిమారంగంలో ఈ పరిస్థితి ఎప్పటి నుండో ఉంది . థియేటర్ లన్ని ఓ నలుగురి చేతుల్లోనే ఉన్నాయి దాంతో చిన్న నిర్మాతలు చాలా ఇబ్బందులు పడుతున్నారు .
English Title: Theatres problems for Peta telugu film