సస్పెన్స్ థ్రిల్లర్ జానర్‌లకు ఎప్పుడూ ఓ క్రేజ్ ఉంటుంది. ఆ జానర్‌కు సపరేట్ ఆడియెన్స్ ఉంటారు. అయితే ఈ మధ్య మాత్రం సస్పెన్స్ థ్రిల్లర్ సినిమాలను అన్ని వర్గాల ప్రేక్షకులు ఆదరిస్తున్నారు. ఈ క్రమంలోనే మరో ఇంట్రెస్టింగ్ సినిమా తెరపైకి వచ్చేసింది. ‘హీట్’ (ట్యాగ్ లైన్.. ఎ సైకో మైండ్ వర్సెస్ ఎ బ్రోకెన్ హార్ట్) అనే సినిమా త్వరలోనే ఆడియెన్స్ ముందుకు రానుంది.
వర్దన్ గుర్రాల, స్నేహా ఖుషి హీరో హీరోయిన్లుగా నటించిన ఈ సినిమాను ఎం.ఆర్.వర్మ సమర్పణలో ర్యాన్ స్టూడియోస్, కౌముది సినిమాస్ బ్యానర్ల మీద ఎం.ఆర్.వర్మ, సంజోష్ సంయుక్తంగా నిర్మిస్తున్నారు. ఈ మూవీకి ఎం.ఎన్.అర్జున్, శరత్ వర్మ దర్శకత్వం వహించారు. సస్పెన్స్ థ్రిల్లర్ జానర్‌లో తెరకెక్కించిన ఈ మూవీకి సంబంధించిన టైటిల్ పోస్టర్‌ను విడుదల చేశారు. అలానే ఈ మూవీ నుంచి హీరో ఫస్ట్ లుక్ పోస్టర్‌ను కూడా విడుదల చేశారు.
ప్రముఖ దర్శకుడు శైలేష్ కొలను చేతుల మీదుగా ఈ టైటిల్ పోస్టర్‌, హీరో ఫస్ట్ లుక్ పోస్టర్‌ను విడుదల చేయించారు. ఈ టైటిల్ పోస్టర్‌తోనే సినిమా థీమ్ ఏంటన్నది చెప్పేశారు. ఈ ఫస్ట్ లుక్ పోస్టర్‌ను గమనిస్తుంటే.. కారు, నడిచి వస్తున్నట్టుగా మనిషి, భూతద్దం వంటివి చూస్తుంటే.. ఇది ఇన్వెస్టిగేషన్ సస్పెన్స్ థ్రిల్లర్ అని అర్థం అవుతోంది. ఏదో మర్డర్ మిస్టరీగానూ అనిపిస్తోంది. అయితే పోస్టర్‌తోనే ఈ రేంజ్‌లో ఆసక్తిని క్రియేట్ చేసి చిత్రయూనిట్ సక్సెస్ అయింది.
ఈ సినిమాకు గౌతమ్ రవిరామ్ సంగీతాన్ని అందించగా.. రోహిత్ బాచు కెమెరామెన్‌గా పని చేశారు. శివన్ కుమార్ కందుల, శ్రీధర్ వెజండ్ల సహ నిర్మాతలుగా వ్యవహరించారు.
నటీనటులు : వర్దన్ గుర్రాల, స్నేహా ఖుషి, మోహన్ సాయి, అంబికా వాణి, వంశీ రాజ్, పుల్కిత్, అప్పాజీ అంబరీష, జయ శ్రీ రాచకొండ, ప్రభావతి వర్మ తదితరుల
సాంకేతిక బృందం
నిర్మాతలు : ఎం.ఆర్.వర్మ, సంజోష్
సహ నిర్మాత : శివన్ కుమార్ కందుల, శ్రీధర్ వెజండ్ల
దర్శకత్వం : ఎం.ఎన్.అర్జున్, శరత్ వర్మ
కథ, స్క్రీన్ ప్లే : ఎం.ఆర్.వర్మ
సంగీతం : గౌతమ్ రవిరామ్
కెమెరామెన్ : రోహిత్ బాచు
పీఆర్వో : సాయి సతీష్‌