హీరో సూర్య డ‌బుల్ ధ‌మాకా ఇవ్వ‌బోతున్నారా? అంటే త‌మిళ వ‌ర్గాలు అవున‌నే స‌మాధానం చెబుతున్నాయి. ప్ర‌స్తుతం ఎయిర్ డెక్క‌న్ ఫౌండ‌ర్ జి.ఆర్. గోపీనాథ్ జీవిత క‌థ స్ఫూర్తితో నూపొందుతున్న `సూర‌రాయిపోట్రు` చిత్రంలో న‌టిస్తున్నారు. సుధా కొంగ‌ర తెర‌కెక్కిస్తున్న ఈ చిత్రాన్ని తెలుగులో `ఆకాశ‌మే నీ హ‌ద్దురా` పేరుతో రిలీజ్ చేయ‌బోతున్నారు.
ఏప్రిల్ 9న ఈ చిత్రం రిలీజ్కు రెడీ అవుతోంది. ఇటీవ‌ల విడుద‌లై ఈ చిత్ర టీజర్, మోహ‌న్‌బాబు క్యారెక్ట‌ర్ సినిమాపై అంచ‌నాల్ని పెంచేసింది. ఇదిలా వుంటే సూర్య మ‌రో చిత్రాన్ని కూడా లైన్లో పెట్టిన‌ట్టు తెలుస్తోంది. త‌న‌కు మాస్ ఇమేజ్‌ని తీసుకొచ్చిన యాక్ష‌న్ చిత్రాల ద‌ర్శ‌కుడు హ‌రి ద‌ర్శ‌క‌త్వంలో సూర్య ఓ సినిమా చేయ‌బోతున్నార‌ట.
వీరిద్ద‌రి క‌ల‌యిక‌లో వ‌చ్చిన `సింగం` సిరీస్ చిత్రాలు తెలుగు, త‌మిళ భాష‌ల్లో అనూహ్య విజ‌యాల్ని సాధించ‌డ‌మే కాకుండా బాలీవుడ్‌లోనూ రీమేక్ అయి మంచి వ‌సూళ్ల‌ని సాధించాయి. ఆ క్రేజ్‌ని దృష్టిలో పెట్టుకున్న సూర్య మాస్ డైరెక్టర్ హ‌రితో కొత్త సినిమాకు గ్రీన్‌సిగ్న‌ల్ ఇచ్చిన‌ట్టు తెలిసింది. గ్రామీణ నేప‌థ్యంలో తెర‌క్క‌నున్న ఈ చిత్రంలో సూర్య అన్నా త‌మ్ములుగా ద్విపాత్రాభినం చేయ‌నున్నాడ‌ని తెలిసింది. ఇది సూన్య ఫ్యాన్స్‌కి నిజంగా డ‌బుల్ ధ‌మాకానే.