నాగశౌర్య హీరోగా నటించిన ఛలో సూపర్ హిట్ కావడంతో ఆ దర్శకులు వెంకీ కుడుములకు ఆఫర్లు వెల్లువలా వచ్చి పడుతున్నాయి . అయితే అన్నిన్నిటిని మించి హారికా హాసిని క్రియేషన్స్ సంస్థ ఆఫర్ ఇవ్వడం మరీ విశేషం . ఇటీవల పలు సూపర్ హిట్ చిత్రాలను నిర్మిస్తున్న నిర్మాత రాధాకృష్ణ వెంకీ కి భారీ ఆఫర్ ఇచ్చాడట ! ప్రస్తుతం ఎన్టీఆర్ – త్రివిక్రమ్ లతో భారీ చిత్రాన్ని నిర్మించడానికి సన్నాహాలు చేస్తున్నాడు రాధాకృష్ణ . ఇటీవలే పవన్ కళ్యాణ్ తో తీసిన అజ్ఞాతవాసి చిత్రం భారీ డిజాస్టర్ కావడంతో కాస్త ఇబ్బందిగా ఉన్న ఈ సమయంలో వెంకీ ఛలో తో సూపర్ హిట్ కొట్టడం , అతడ్ని హారికా హాసిని క్రియేషన్స్ బుక్ చేసుకోవడంతో చక చకా జరిగిపోయాయి .
త్రివిక్రమ్ శిష్యుడైన వెంకీ కుడుముల రాధాకృష్ణ బ్యానర్ లో తన రెండో సినిమా చేయడానికి సన్నాహాలు చేస్తున్నాడు . రాధాకృష్ణ నుండే కాక ఇంకా పలు ఆఫర్లు వస్తున్నాయి వెంకీ కి . అయితే అన్నీ ఒప్పేసుకోకుండా ఆచి తూచి అడుగేస్తున్నాడు వెంకీ .