`పెళ్లి చూపులు` ఫేమ్ రాజ్ కందుకూరి తనయుడు శివ కందుకూరి విలక్షణమైన చిత్రాల్లో నటిస్తున్నారు. ప్రస్తుతం ఐదు భాషల్లో విడుదల కానున్న `గమనం`తో పాటు యదర్ధ సంఘటనల ఆధారంగా రూపొందుతున్న `చేతక్ శీను`లోనూ నటిస్తున్న విషయం తెలిసిందే. తాజాగా మరో విలక్షణ చిత్రానికి గ్రీన్ సిగ్నల్ ఇచ్చారు. `మను చరిత్ర` పేరుతో రూపొందుతున్న ఈ చిత్రం ద్వారా భరత్ పెదగాని దర్శకుడిగా పరిచయం అవుతున్నారు.
మేఘా ఆకాష్, ప్రియ వడ్లమాని హీరోయిన్లుగా నటిస్తున్న ఈ మూవీ ప్రస్తుతం శరవేగంగా చిత్రీకరణ జరుపుకుంటోంది. స్టార్ హీరోయిన్ కాజల్ అగర్వాల్ ఈ చిత్రానికి సమర్పకురాలిగా వ్యవహరిస్తోంది. ఎన్. శ్రీనివాసరెడ్డి, రాన్సన్ జోసెఫ్ సంయుక్తంగా ఈ మూవీని నిర్మిస్తున్నారు. హీరో శివ కందుకూరి పుట్టిన రోజు నేడు ఈ సందర్భంగా చిత్ర బృందం ఈ మూవీకి సంబంధించిన ఫస్ట్ లుక్ పోస్టర్ని విడుదల చేసింది.
పోస్టర్లో రగ్గ్డ్ లుక్లో శివ కనిపిస్తున్నాడు. పల్సర్పై గుబురు జుట్టు… మాసిన గడ్డం… నోట్లో వెలుగుతున్న సిగరేట్.., రైట్ హ్యాండ్లో రోజ్ ఫ్లవర్… ఒళ్లంతా గాయాలతో బ్లడ్ కారుతోంది. లవ్ యాక్షన్ థ్రిల్లర్గా వరంగల్ నేపథ్యంలో ఈ మూవీ తెరకెక్కబోతోంది. గోపీ సుందర్ సంగీతం అందిస్తుండగా, రాహుల్ శ్రీవాత్సవ ఛాయాగ్రహణం అందిస్తున్నారు.