మా సినిమా ప్లాప్ అని స్వయంగా హీరోలు ఒప్పుకుంటున్నారు అందునా సక్సెస్ మీట్ అని పెట్టి మరీ . ఇటీవల కాలంలో ఇలాంటి ధోరణి ఎక్కువయ్యింది . ఒకప్పడు సినిమా బాగోలేకపోయినా మా సినిమా సూపర్ ….. బంపర్ అంటూ చెప్పుకునే వాళ్ళు కాకపోతే ఆ ధోరణి మారి మా సినిమా ఆశించిన స్థాయిలో ఆడటం లేదు కానీ ఆదరిస్తున్నారు అంటూ ముక్తాయింపు ఇస్తున్నారు పలువురు హీరోలు . మొన్నటికి మొన్న హీరో వరుణ్ తేజ్ అంతరిక్షం గురించి ప్రెస్ మీట్ లో ఓపెన్ అయిపోగా నిన్నటికి నిన్న శర్వానంద్ కూడా పడిపడి లేచె మనసు గురించి ఒప్పేసుకున్నాడు .
పడిపడి లేచె మనసు క్రిటిక్స్ కి నచ్చలేదు , వారి వారి అభిప్రాయం వాళ్ళు చెప్పారు కానీ నా కెరీర్ లోనే బెస్ట్ మూవీగా ఈ సినిమా ఉంటుందనడంలో సందేహం లేదు . అయితే నా తదుపరి సినిమాతో తప్పకుండా మిమ్మల్ని అలరించే సినిమా చేస్తానని అన్నాడు శర్వా . అంటే ప్రెస్ మీట్ పెట్టి మరీ మా సినిమా ప్లాప్ అయ్యింది అని ఒప్పేసుకోవడం అన్నమాట . అంతరిక్షం , పడిపడి లేచె మనసు చిత్రాలు ఈనెల 21న విడుదలైన విషయం తెలిసిందే . అయితే రెండు కూడా ఆశించిన స్థాయిలో విజయం సాధించలేకపోయాయి .
English Title: Sharwanand and Varun tej talk about failure movies