తెలుగునాట అర్జున్ రెడ్డి తో సంచలనం సృష్టించిన సందీప్ రెడ్డి వంగా తాజాగా కబీర్ సింగ్ తో బాలీవుడ్ లో కూడా వసూళ్ల సునామీ సృష్టిస్తున్నాడు దాంతో అందరి దృష్టి ఇప్పుడు సందీప్ రెడ్డి వంగా మీద పడింది . ఇక కండల వీరుడు సల్మాన్ ఖాన్ అయితే ఎంత త్వరగా వీలయితే అంత త్వరగా సందీప్ రెడ్డి వంగా తో కలిసి పనిచేయాలని చూస్తున్నాడట .
కబీర్ సింగ్ చిత్రానికి ఎన్ని విమర్శలు వచ్చినా అంతకంటే ఎక్కువ వసూళ్లు వస్తుండటంతో ట్రేడ్ విశ్లేషకులు సైతం షాక్ అవుతున్నారట . షాహిద్ కపూర్ కు సోలోగా వంద కోట్ల సినిమా లేదు అలాంటిది ఈ కబీర్ సింగ్ తో ఏకంగా 200 కోట్ల క్లబ్ లో చేరేలా ఉన్నాడని కొంతమంది తెగ ఇదైపోతున్నారట . ఇప్పటికే పలువురు సందీప్ పై కర్చీఫ్ వేసారట కానీ తెలుగులో మహేష్ బాబు తో ఓ సినిమా చేయాలనీ ప్లాన్ చేస్తున్నాడు ఒకవేళ అది కుదరకపోతే సల్మాన్ తో తప్పకుండా చేసే ఛాన్స్ ఉంది . ఇక ఈ ఇద్దరూ కలిస్తే బాక్సాఫీస్ షేక్ అవ్వడం ఖాయమే !