వివాహం తరువాత నుంచి సమంత కొత్త తరహా చిత్రాల్లో మాత్రమే నటిస్తున్నారు. నటనకు, పాత్రకు ప్రాధాన్యం వున్న చిత్రాల్ని మాత్రమే ఎంచుకుంటూ వరుస విజయాల్నిసొంతం చేసుకుంటున్నారు. ఇటీవల సమంత నటించిన రంగస్థలం, మజిలీ, యూటర్న్, ఓ బేబీ వంటి చిత్రాలు మంచి విజయాల్ని సాధించి సమంత గ్లామర్ పాత్రల్లోనే కాదు నటనకు ప్రాధాన్యం వున్న పాత్రల్లోనూ రాణించగలదని నిరూపించాయి.
అయితే ఇటీవల నటించిన తమిళ రీమేక్ `జాను` ఫలితం మాత్రం సమంతని నిరాశపరిచింది. తను చేయకూడదని నిర్ణయించుకున్నా దిల్ రాజు కారణంగా ఈ సినమా చేయకతప్పలేదు. మ్యాజిక్ జరుగుతుందని భావించినా సినిమా అంతగా జనాలకి ఎక్కకపోవడంతో సామ్ కొంత డిసప్పాయింట్ అయ్యారట. తెలుగులో మరో సినిమా అంగీకరించని సమంత ఇటీవల తమిళంతో నయనతారతో కలిసి `కాతువాకుల రెండు కథల్` చిత్రాన్నిఅంగీకరించిందని తెలిసింది. దీనికి విఘ్నేష్ శివన్ దర్శకుడు.
అయితే తాజాగా ఈ సినిమా నుంచి సమంత తప్పకుందని తెలిసింది. కారణం ఏంటని ఆరాతీస్తే సామ్ ప్రెగ్నంట్ అని, ఆ కారణంగానే ఆమె ఈ చిత్రం నుంచి తప్పుకుందని కోలీవుడ్ మీడియాలో వార్తలు వినిపిస్తున్నాయి. ఈ వార్తల్లో నిజమెంత వుందన్నది తెలియాలంటే సామ్ వివరణ ఇవ్వాల్సిందే. ఈ వార్త నిజమే అయితే అక్కినేని ఫ్యామిలీ నుంచి సామ్ ద్వారా గుడ్ న్యూస్ రాబోతందన్నమాటే.