సాక్షి శివానంద్ పై సంచలన ఆరోపణలు చేసిన చెల్లి
మా అక్క సాక్షి శివానంద్ నన్ను చంపాలని చూస్తోందని సంచలన వ్యాఖ్యలు చేస్తోంది చెల్లి శిల్పా ఆనంద్ . తెలుగులో పలు చిత్రాల్లో హీరోయిన్ గా నటించింది సాక్షి శివానంద్ . ఆమె చెల్లెలే ఈ శిల్ప ఆనంద్ . తెలుగులో ఈ భామ కూడా మంచు విష్ణు హీరోగా నటించిన విష్ణు అనే చిత్రంలో హీరోయిన్ గా నటించింది . ఆ సినిమా ప్లాప్ కావడంతో ఈ భామని తెలుగు వాళ్ళు పట్టించుకోలేదు .
ఇక అసలు విషయానికి వస్తే ……. భీమా సొమ్ము కోసం నన్ను చంపించడానికి చూస్తోందని , చెల్లి అన్న కనికరం లేకుండా నన్ను ఇంట్లోంచి వెళ్ళగొట్టారని ఆరోపణలు చేస్తోంది . స్వయానా అక్కాచెల్లెళ్లు అయిన సాక్షి శివానంద్ , శిల్ప ఆనంద్ ల గొడవ ఎప్పుడు చల్లారుతుందో ? అయినా అక్క పై ఇంతటి ఆరోపణలు చేసింది కాబట్టి తప్పకుండా సాక్షి శివానంద్ మీడియా ముందుకు రావడం ఖాయమే !