ఇప్పటికే పవన్ కళ్యాణ్ తో అజ్ఞాతవాసి అనే భారీ బడ్జెట్ చిత్రం చేసి అటు బయ్యర్ల ను ఇటు నిర్మాతను నిండా ముంచేసిన దర్శకులు త్రివిక్రమ్ తాజాగా మరోసారి అదే తప్పు చేస్తున్నాడు . అజ్ఞాతవాసి చిత్ర బడ్జెట్ ని అంతకంతకు పెంచుకుంటూ పోయిన ఈ దర్శకుడు ఇప్పుడు ఎన్టీఆర్ తో సినిమా చేస్తున్న విషయం తెలిసిందే . ఇక ఈ సినిమా బడ్జెట్ ఎంతో తెలుసా ……. వంద కోట్లు . అవును 100 కోట్ల బడ్జెట్ అంట !
ఎందుకంటే హీరో , హీరోయిన్ లతో పాటుగా మిగతా నటీనటులు , సాంకేతిక నిపుణులకు రెమ్యునరేషన్ పరంగా దాదాపుగా 50 కోట్లు పోతున్నాయట అంటే మిగతా యాభై కోట్ల లో రిలీజ్ నాటికీ అన్ని వడ్డీలు కలుపుకొని , మేకింగ్ కు అయ్యే ఖర్చు అన్నమాట అంటే మొత్తంగా వంద కోట్ల బడ్జెట్ . సినిమా బ్లాక్ బస్టర్ అయితేనే వచ్చేది వంద కోట్ల పైన ఒకవేళ అటు ఇటైతే ఇంకేమైనా ఉందా ? భారీ చిత్రాలు చేస్తున్నారు కానీ భారీ విజయాలు సాధించే సినిమాలు తక్కువే ! మరి ఎన్టీఆర్ – త్రివిక్రమ్ ల సినిమా ఏమౌతుందో చూడాలి .