నటసింహం నందమూరి బాలకృష్ణ కు ఓవర్ సీస్ లో అంతగా మార్కెట్ లేదు . ఇక్కడ సింహమే కానీ అక్కడ మాత్రం అంత సీన్ లేదు బాలయ్యకు , కానీ గౌతమిపుత్ర శాతకర్ణి చిత్రంతో ఒక్కసారిగా ఓవర్ సీస్ ప్రేక్షకులను కూడా అలరించడం మొదలు పెట్టాడు బాలయ్య . కట్ చేస్తే ఇప్పుడు ఎన్టీఆర్ బయోపిక్ లో భాగమైన ఎన్టీఆర్ కథానాయకుడు చిత్రంతో తన రికార్డ్ ని తానే రికార్డ్ బద్దలు కొట్టాడు . రికార్డులు సృష్టించాలన్నా మేమె దాన్ని తిరగ రాయాలన్నా మేమే అంటూ సింహగర్జన చేసే బాలయ్య ఎన్టీఆర్ కథానాయకుడు చిత్రంతో కేవలం ప్రీమియర్ షోలతోనే 5 లక్షల డాలర్లకు పైగా వసూల్ చేసి చరిత్ర సృష్టించాడు .
అంతేకాదు ఈ ఏడాది ప్రారంభంలో ఇంత భారీ మొత్తాన్ని వసూల్ చేసిన మొదటి సినిమాగా రికార్డ్ సృష్టించాడు . ఇక 2018 – 19 సంవత్సర కాలంలో అత్యధిక స్థాయిలో ఓపెనింగ్స్ రాబట్టిన చిత్రాల్లో 6 వ చిత్రంగా నిలిచింది ఎన్టీఆర్ కథానాయకుడు . ఎన్టీఆర్ బయోపిక్ కోసం ఓవర్ సీస్ జనాలు కూడా ఎంతో ఆతృతగా ఎదురు చూస్తున్నారు . మహానటుడు , మహా నాయకుడు ఎన్టీఆర్ జీవిత కథ ఆధారంగా తెరకెక్కిన చిత్రం కావడంతో ఈ సినిమా చూడాలన్న ఉత్సాహం నెలకొంది .
English Title: Record collections for NTR Kathanayakudu in overseas