ముద్దు గుమ్మ రాశి ఖన్నా ఊహలు గుసగుసలాడే సినిమాతో టాలీవుడ్ కు పరిచయమైంది. అది ఆమెకు డ్రీం డెబ్యూ అనే చెప్పాలి. ఒక బలమైన పాత్రతో, నటనకు అవకాశమున్న సినిమాలో ఆమె డెబ్యూ జరిగింది. ఆ సినిమా విజయవంతమైంది కూడా. అయితే తర్వాత రాశి ఖన్నా సినిమాల ఎంపికలో చేసిన పొరబాట్లు కావొచ్చు, మరింకేదైనా కావొచ్చు. ఆమె కెరీర్ అనుకున్నంతగా ముందుకు సాగలేదు. విజయాల శాతం తక్కువుండడంతో ఆమె టయర్ 2 హీరోలకే పరిమితమైంది. ఎన్టీఆర్ తో జై లవకుశ సినిమాలో అవకాశమొచ్చినా అందులో ఈమెది చిన్న పాత్రే. పెద్దగా గుర్తింపు కూడా రాలేదు, సినిమా కూడా అనుకున్నంత సక్సెస్ అవ్వలేదు. దాంతో కొన్నాళ్ళు రాశి ఖన్నా పూర్తిగా సైడ్ అయిపొయింది. చూస్తుంటే ఇప్పుడు పరిస్థితిలో మార్పు వచ్చినట్లు కనిపిస్తోంది. మంచి అంచనాలు ఉన్న సినిమాల్లో నటిస్తోంది రాశి ఖన్నా. పైగా మధ్యలో వేరే భాషల వైపు చూసిన రాశి ఇక ఇక్కడే సెటిలైపోవాలని, టాప్ నటిగా టాలీవుడ్ లోనే రాణించాలని ఫిక్స్ అయిపోయింది. అందుకే ముందుగా ఇక్కడ ఇల్లు తీసుకుని సెటిలైంది.
ఇటీవలే హైదరాబాద్ లో ఒక పోష్ ఇంటిని కొనుగోలు చేసింది రాశి. ఇన్నాళ్లూ హోటల్స్ లో ఉంటోన్న రాశి ఇక టాలీవుడ్ కే తన మకాం షిఫ్ట్ చేయాలని భావించి ఈ నిర్ణయం తీసుకుంది. దాంతో పాటు తెలుగుపై పూర్తి పట్టు సాధించాలని ఫిక్స్ అయింది. రాశి ఖన్నా ముందు నుండే తెలుగులో చాలా బెటర్. కెరీర్ స్టార్టింగ్ లోనే ఒక పాట కూడా పాడింది రాశి. అయితే ఇప్పుడు తన సినిమాలకు తనే డబ్బింగ్ చెప్పుకోవాలని ఫిక్స్ అయింది. టాప్ నటిగా రాణించాలంటే ఈ మాత్రం కష్టపడక తప్పదని ఫీల్ అవుతోంది.
ప్రస్తుతం రాశి క్రేజ్ ఉన్న సినిమాల్లోనే నటిస్తోంది. వెంకీ మామలో నాగ చైతన్య సరసన నటిస్తోంది. ఈ సినిమా డిసెంబర్ లో విడుదలవుతోంది. ఇక సాయి ధరమ్ తేజ్ సరసన ప్రతిరోజూ పండగేలో ఆడిపాడుతోంది. ఇందులో ఆమె సోలో హీరోయిన్. ప్రతిరోజూ పండగే డిసెంబర్ 20న విడుదలవుతోంది. ఇక విజయ్ దేవరకొండ వరల్డ్ ఫేమస్ లవర్ లో ప్రధాన హీరోయిన్ గా నటిస్తోంది రాశి. ఈ సినిమా ఫిబ్రవరిలో ప్రేక్షకుల ముందుకు రానుంది. ఇలా వారం గ్యాప్ లో రెండు సినిమాలు, రెండు నెలలు గ్యాప్ లో మూడు సినిమాలు రాశి ఖన్నావి విడుదలవుతాయి. ఈ సినిమాల తర్వాత తన రేంజ్ మారుతుందని ఆశిస్తోంది.
ప్రస్తుతం స్టార్ హీరోయిన్లకు బాగా కొరత ఉంది. స్టార్ హీరోలు కూడా అందుకే మిడ్ రేంజ్ హీరోయిన్ల వైపు చూస్తున్నారు. తనకన్నా లేట్ గా ఇండస్ట్రీలోకి వచ్చిన రష్మిక అప్పుడే మహేష్ బాబు, అల్లు అర్జున్ వంటి స్టార్ హీరోల సినిమాల్లో అవకాశాలు పట్టేసింది. దీంతో రాశి కూడా సరైన అవకాశం కోసం ఎదురుచూస్తోంది. వచ్చే ఏడాది తన కెరీర్ టర్న్ అవుతుందని ఆశిస్తోంది రాశి ఖన్నా. మరి చూద్దాం రాశి అనుకున్నట్టు జరుగుతుందో లేదో.