ఆలియా భట్ ని ప్రేమిస్తున్నానని ,ప్రస్తుతం ఇద్దరం డేటింగ్ చేస్తున్నామని అయితే అంతకు మించి చెప్పడానికి ఏమిలేదని సంచలన వ్యాఖ్యలు చేసాడు బాలీవుడ్ హీరో రణబీర్ కపూర్ . ఆలియా భట్ కంటే ముందు ఈ హీరో దీపికా పదుకునే ని ప్రేమించాడు , ఇక పెళ్లి కావడమే తరువాయి అని అనుకుంటున్న సమయంలో బ్రేకప్ అయ్యింది . దీపికా తర్వాత కత్రినా కైఫ్ ని ప్రేమించాడు రణబీర్ కపూర్ . కత్తిలాంటి కత్రినా కైఫ్ తో ఏకంగా కాపురమే పెట్టేసాడు రణబీర్ . ముంబై లోని బాంద్రా లో అత్యంత ఖరీదైన ఫ్లాట్ లో జోరుగా ప్రేమాయణం సాగించారు .
కట్ చేస్తే కత్రినా కైఫ్ తో బ్రేకప్ అయ్యింది , ఇంకేముంది దొరగారు ఖాళీ గా ఉన్నారు కాబట్టి ఆలియా భట్ ని ప్రేమలో దించేసాడు . రణబీర్ తో ఆలియా భట్ కూడా ప్రేమలో మునిగిపోయింది . ప్రస్తుతం ఈ ఇద్దరూ కలిసి ” బ్రహ్మాస్త్ర ” అనే చిత్రంలో నటిస్తున్నారు . బ్రహ్మాస్త్ర సినిమాకు ముందే ఇద్దరి మధ్య మంచి అవగాహనా ఏర్పడింది దాంతో డేటింగ్ చేస్తూ బాగానే ఎంజాయ్ చేస్తున్నారు . తాజాగా ఓ మీడియా సంస్థ కు ఇచ్చిన ఇంటర్వ్యూ లో ఆలియా తో డేటింగ్ గురించి చెప్పుకొచ్చాడు . అయితే ఈ ప్రేమ ఎంత కాలం ఉంటుందన్నది మిలియన్ డాలర్ల ప్రశ్న .