ఉస్తాద్ రామ్ పోతినేని ప్రస్తుతం చాలా ఉత్సాహంగా ఉన్నాడు. ఇస్మార్ట్ శంకర్ తర్వాత రెడ్ చిత్రం చేసిన రామ్, కొంత గ్యాప్ తీసుకుని లింగుసామి దర్శకత్వంలో సినిమా చేయడానికి ఒప్పుకున్న విషయం తెల్సిందే. ఈ చిత్రాన్ని తెలుగు, తమిళ్ భాషల్లో తెరకెక్కిస్తున్నారు.
తాజా సమాచారం ప్రకారం ఈ చిత్ర ఫైనల్ వెర్షన్ లాక్ అయింది. ఇటీవలే దర్శకుడు లింగుసామి రామ్ కు ఆన్లైన్ లోనే స్క్రిప్ట్ ఫైనల్ నరేషన్ ఇచ్చినట్లు తెలుస్తోంది. రామ్ సోషల్ మీడియాలో ఈ విషయం ధృవీకరించాడు.
లింగుసామి చెప్పిన ఫైనల్ నరేషన్ అదిరింది. మీరు సూపర్ సార్. ఈ సినిమాను మొదలుపెట్టడానికి ఎదురుచూస్తున్నాను అని ఎగ్జైట్ అయ్యాడు. ఈ చిత్రంలో హీరోయిన్ గా కృతి శెట్టి ఎంపికైంది. శ్రీనివాస చిట్టూరి ఈ చిత్రాన్ని భారీ వ్యయంతో నిర్మిస్తున్నాడు. టాప్ సంగీత దర్శకుడిని ఈ చిత్రం కోసం ఎంపిక చేయనున్నారు. ఈ సినిమాకు సంబంధించిన మరింత సమాచారం త్వరలోనే రానుంది.