ఒకరు కాదు ఇద్దరు కాదు ఏకంగా 156 మంది చిన్నారులకు ప్రాణదానం చేసి రియల్ హీరో అనిపించుకుంటున్నాడు రాఘవ లారెన్స్ . సాధారణ స్థాయి నుండి అసాధారణ స్థాయికి చేరుకున్నాడు లారెన్స్ . భారీ మొత్తంలో డబ్బులు వస్తుంటే వాటిని జల్సాల కోసం వాడకుండా పేద కుటుంబాల్లో వెలుగులు నింపడానికి , అనారోగ్యంతో బాధపడుతున్న చిన్నారులను బ్రతికించడానికి ఉపయోగిస్తూ సద్వినియోగం చేస్తున్నాడు లారెన్స్ .
ఇటీవలే 156 వ చిన్నారికి గుండె ఆపరేషన్ చేయించాడు లారెన్స్ . ఆ ఆపరేషన్ సక్సెస్ కావడంతో 156 మందికి ఆపరేషన్ చేయించానని సంతృప్తిగా ఉందని ట్వీట్ చేసాడు రాఘవ లారెన్స్ . ఆపదలో ఉన్న వాళ్లకు తన చేతనైనంత సహాయం చేస్తూ రీల్ హీరో కాదు రియల్ హీరో అనిపించుకుంటున్నాడు లారెన్స్ . హర్రర్ చిత్రాలతో భయపెడుతూ , నవ్విస్తూ ప్రేక్షకులను సంతోషంలో ముంచెత్తుతున్న లారెన్స్ ఇలా ప్రజాసేవలో కూడా తరించిపోతున్నాడు .