డాషింగ్ డైరెక్టర్ పూరి జగన్నాధ్..మెగా స్టార్ చిరంజీవి నటిస్తున్న గాడ్ ఫాదర్ మూవీ లో ఓ కీలక రోల్ చేస్తున్న సంగతి తెలిసిందే. చిరంజీవి – మోహన్ రాజా కలయికలో గాడ్ ఫాదర్ మూవీ తెరకెక్కుతుంది. ఇది మలయాళ చిత్రం ‘లూసిఫర్’కు ఇది రీమేక్. ఈ సినిమా షూటింగ్ చక చకా జరగుతోంది. పొలిటికల్ బ్యాక్డ్రాప్తో రూపొందబోయే ఈ చిత్రాన్ని చిరంజీవి ఇమేజ్కు, తెలుగు నెటివిటీకి తగినట్లు మార్చి తెరకెక్కిస్తున్నారు. ఈ తరుణంలో ఈ ప్రతిష్టాత్మక చిత్రంలో బాలీవుడ్ హీరో సల్మాన్ ఖాన్ ఓ కీలక పాత్ర పోషిస్తున్నాడు. అలాగే డాషింగ్ డైరెక్టర్ పూరి కూడా ఓ కీలక రోల్ లో కనిపించబోతున్నట్లు స్వయంగా చిరంజీవే తెలిపారు. దీంతో పూరి ఏ రోల్ లో కనిపిస్తాడో అని అంత ఆసక్తి గా ఎదురుచూస్తున్నారు.
ఈ క్రమంలో పూరి రోల్ ఫై ఓ వార్త ఫిలిం సర్కిల్లో చక్కర్లు కొడుతుంది. సినిమా ఆరంభంలో పాత్రలను పరిచయం చేసే జర్నలిస్టు పాత్రలో ఈ స్టార్ డైరెక్టర్ కనిపించబోతున్నట్టు సమాచారం. గాడ్ ఫాదర్ సినిమాను డ్రైవ్ చేసే పాత్రను పూరీ పోషిస్తున్నట్టు సమాచారం. ఈ పాత్ర ఈ సినిమాకు కీలకంగా మారబోతున్నట్టు అంటున్నారు. మరి నిజంగా ఇదే రోల్ చేస్తున్నాడా అనేది చూడాలి. కొణిదెల సురేఖ సమర్పిస్తున్న ఈ చిత్రాన్ని ఆర్బి చౌదరి, ఎన్వి ప్రసాద్లు సంయుక్తంగా నిర్మిస్తున్నారు. థమన్ మ్యూజిక్ అందిస్తున్నారు.