వెండితెర మీద దాస్యం తరుణ్ భాస్కర్ దర్శకత్వం వహించిన పెళ్ళిచూపులు చిత్రం సంచలన విజయం సాధించడంతో అదే పేరుతో ప్రదీప్ అనే యాంకర్ స్టార్ మా లో పెళ్ళిచూపులు అనే కార్యక్రమానికి శ్రీకారం చుట్టారు . 14 మంది అమ్మాయిలతో ప్రదీప్ కి పెళ్ళిచూపులు ఏర్పాటు చేసే ఈ కార్యక్రమం మొదటి ఎపిసోడ్ నుండే తీవ్ర స్థాయిలో విమర్శలు మూటగట్టుకుంది . పెళ్ళి కావాల్సిన 14 మంది అమ్మాయిల చేత రకరకాల మాటలు అనిపిస్తూ ప్రోగ్రాం చండాలంగా సాగడంతో అట్టర్ ఫ్లాప్ అయ్యింది . బిగ్ బాస్ లా ఈ షోని రక్తి కట్టించాలని చూసారు కానీ మొదటికే మోసం వచ్చింది .
మొదట్లో విమర్శలు వచ్చాయి కదా ! తర్వాతి ఎపిసోడ్ లోనైనా బెటర్ అవుతుందేమో అనుకుంటే ఎక్కడ కూడా మెరుగు కాకపోగా మరింతగా విమర్శల పాలయ్యింది , ఇక రాను రాను ఆ షో ని చూసేవాళ్ళ సంఖ్య కూడా తగ్గింది దాంతో పెళ్ళిచూపులు షో కి అట్టర్ ఫ్లాప్ టాక్ వచ్చింది . యాంకర్ గా ప్రదీప్ కూడా ఫెయిలయ్యాడు , ఇక మరో విచిత్రం ఏంటంటే …… సుమ కూడా అట్టర్ ఫ్లాప్ షోలో భాగస్వామి కావడం . సదరు చానల్ వాళ్ళు ఈ షో పై ఎన్నో ఆశలు పెట్టుకున్నారు కానీ ఆ ఆశలన్ని అడియాసలయ్యాయి .
English Title: Pelli Choopulu flop on small screen